ਗ਼ਜ਼ਲ

ਬੋਲਣ ਲਗਿਆਂ ਬੋਲ ਲਰ੍ਜਦੇ,ਤੂੰ ਚੰਗਾ ਨਹੀਂ ਕੀਤਾ .

ਨਾਲ ਕਰਕੇ ਗਦਾਰੀ ਫਰਜ਼ ਦੇ ,ਤੂੰ ਚੰਗਾ ਨਹੀਂ ਕੀਤਾ

ਚੰਗਾ ਤਾਂ ਇਹੀ ਸੀ ਕੇ ,ਤੂੰ ਵਰਤਦਾ ਸਾਡੇ ਨਾਲ ,

ਸਾਨੂ ਹੀ ਯਾਰਾ ਵਰਤ ਕੇ,ਤੂੰ ਚੰਗਾ ਨਹੀਂ ਕੀਤਾ .

ਦਾਦ ਦੇਣੀ ਬਣਦੀ ਸੀ,ਸਾਡੀ ਤਰਕਸ਼ੀਲਤਾ ਦੀ ਤੈਨੂ,

ਮਖੋਲ ਉਡਾ ਸਾਡੇ ਤਰਕ ਦੇ ,ਤੂੰ ਚੰਗਾ ਨਹੀਂ ਕੀਤਾ .

ਲੀਡਰ ਦੀ ਆਮਦ ਤੇ ,ਤੂੰ ਸ਼ਹਿਰ ਚ ਪਾਣੀ ਛਿੜਕਿਆ ,

ਪਾਣੀ ਤਾਂ ਲੋਕ ਪੀਣ ਨੂੰ ਤਰਸਦੇ ,ਤੂੰ ਚੰਗਾ ਨਹੀਂ ਕੀਤਾ .

ਪੇਟੋਂ ਭੁੱਖੇ ਆਂ ਅਸੀਂ ,ਗੁਰਬਤ ਦੇ ਮਾਰੇ ਆਂ,

ਮੈਖਾਨੇ ਖੋਲ ਵਿਦੇਸ਼ੀ ਤਰਜ਼ ਤੇ,ਤੂੰ ਚੰਗਾ ਨਹੀਂ ਕੀਤਾ .

ਹਰਵਿੰਦਰ ਨੇ ਮੰਗਣਾ ਇਕ ਦਿਨ ,ਹਿਸਾਬ ਪੂਰੇ ਦਾ ਪੂਰਾ ,

ਉਸਦੇ ਹਿੱਸੇ ਦਾ ਖਰਚ ਕੇ ,ਤੂੰ ਚੰਗਾ ਨਹੀਂ ਕੀਤਾ ....................ਹਰਵਿੰਦਰ ਧਾਲੀਵਾਲ