ਕਲੀਆਂ

ਮੀਂਹ ਦਾ ਚਿੱਕੜ 
ਨਿੱਖਰੀਆਂ ਨਿੱਖਰੀਆਂ 
ਗ੍ਲੈਡੀਓਲ੍ਸ ਕਲੀਆਂ

                           

ਗਜ਼ਲ

ਮੈਂ  ਵੇਖੇ ਨੇ ਜਿੰਦਗੀ ਵਿੱਚ  ਬੜੇ ਐਹੋ ਜਿਹੇ ਮੰਜ਼ਰ 
ਮੈਨੂੰ  ਵੇਖ ਕਿਓਂ  ਲੁਕੋ  ਰਿਹੈਂ ਹੱਥ  ਵਿਚਲਾ ਖੰਜਰ 


ਵੇਖੀਂ! ਕਿਤੇ ਪਿੱਠ ਤੇ ਵਾਰ ਕਰ ਗਦਾਰ ਬਣ ਜਾਵੇਂ 
ਆ ਹਿੱਕ ਤੇ ਵਾਰ ਕਰ ਲੈ ਜੇ ਅਖਵਾਉਣੈਂ ਬਹਾਦਰ 


ਚੁੱਲਿਆਂ ਦੀ ਅੱਗ ਬੁੱਝ ਗਈ ਤੇ ਸਿਵੇ ਨੇ ਬਲ ਰਹੇ 
ਤੇਰੀ ਫੂਕ ਨੇ ਹੈ ਕੀਤਾ ਕੁਝ ਇਸ ਤਰਾਂ ਦਾ ਅਸਰ 


ਉੱਡਦੀ ਬਦਲੋਟੀ ਨੂੰ  ਆਖੋ  ਕੁੱਝ ਬੂੰਦਾਂ ਸੁੱਟ ਜਾਵੇ 
ਬੜੇ ਚਿਰਾਂ ਤੋਂ  ਪਿਆਸੀ ਯਾਰੋ ਧਰਤੀ ਇਹ ਬੰਜਰ 


ਆਖਰ ਤਾਂ ਕਿਰਨ ਨੇ  ਚੀਰ  ਦੇਣੀ ਹੈ ਧੁੰਦ ਸੰਘਣੀ 
ਆਸ ਤਾਂ ਨਹੀਂ ਕਿ ਤੂੰ ਹੋਵੇਂਗਾ ਇਸ  ਗੱਲੋਂ ਬੇ ਖਬਰ 


ਗੈਰਾਂ ਸੀ ਜਦ ਪੁਛਿੱਆ ਕਿ  ਦੱਸ ਤੇਰਾ ਮੀਤ ਕਿਹੜਾ 
ਉਸ ਹੌਲੀ  ਦੇਣੇ ਕਹਿ ਦਿੱਤਾ ਧਾਲੀਵਾਲ ਹਰਵਿੰਦਰ .............ਹਰਵਿੰਦਰ ਧਾਲੀਵਾਲ