Tuesday 9 August 2011

ਗ਼ਜ਼ਲ -ਸਮਰਪਿਤ ਪਰਮ ਸੰਤ ਬਾਬਾ ਰਾਮ ਸਿੰਘ ਜੀ

 ਆਪਣੇ ਦੁੱਖ ਲਈ ਰੋਣਾ ਯਾਰੋ ,ਇਹ ਕਿਥੋ ਦੀ ਸਿਆਣਪ ਹੈ ,
 ਦੁੱਖ ਪਰਾਏ ਰੋਈਏ ਜੇਕਰ ,ਬਣ ਜਾਏ ਫੇਰ ਇਬਾਦਤ ਹੈ .

ਤੈ ਕੀ ਦਰਦ ਨਾ ਆਇਆ ਰੱਬਾ ,ਦੁਨੀਆ ਪਈ ਕੁਰਲਾਵੇ ,
ਆਓ ਓਹਨੂ ਨਿਹੋਰੇ ਦੇਈਏ, ਉਹ ਦੁਨੀਆ ਦਾ ਮਾਲਿਕ ਹੈ .

ਇਕੋ ਦਰ ਦਾ ਮੰਗਤਾ ਬਣ ਜਾ ,ਪੈ ਜਾਊ ਤੈਨੂ ਖੈਰ ਕਦੇ ,
ਦੋ ਬੇੜੀਆਂ ਵਿਚ ਪੈਰ ਨਾ ਧਰੀਏ, ਸਿਆਨਿਆ ਦੀ ਕਹਾਵਤ ਹੈ .

ਸੇਵਾਦਾਰੋ ਵੇ ਸਰਦਾਰੋ , ਅੱਜ ਮੈ ਤੱਤੜੀ ਨੂੰ ਰੋਕਿਓ ਨਾ ,
ਰੱਜ ਰੱਜ ਉਸਦੇ ਦਰਸ਼ਨ ਕਰਲਾਂ ,ਮੇਰੇ ਦਿਲ ਦੀ ਚਾਹਤ ਹੈ .

ਉਹ ਤਾਂ ਰਹਿਮਤ ਯਾਰ ਓਹਦੇ ਦੀ ,ਗਲ ਨਾਲ ਲਾਈ ਬੈਠਾ ਹੈ .
ਹਰਵਿੰਦਰ ਐਵੇਂ ਸ਼ੱਕਾਂ ਕਰਦੈ, ਉਹ ਕਿਧਰ੍ਲਾ ਆਸ਼ਕ ਹੈ ..................ਹਰਵਿੰਦਰ ਧਾਲੀਵਾਲ .

No comments:

Post a Comment