Wednesday, 20 February 2013
Tuesday, 19 February 2013
ਰਿਦਮ
ਉਹ ਪੁੱਛਦੇ ਰਹੇ ਕਿ ਤੇਰੀ ਕਵਿਤਾ 'ਚ
ਕਿੰਨਾ ਕੁ ਰਿਦਮ ਹੈ ਤੇ ਨਾਪ ਤੋਲ ਕਿੰਨਾ
ਮੈਂ ਬਸ ਇੱਕੋ ਗੱਲ ਤੇ ਅੜ੍ ਗਿਆ ਕਿ
ਵੇਖੋ ਮੇਰੀਆਂ ਰਗਾਂ 'ਚ ਹੈ ਬੋਲ ਕਿੰਨਾ
ਦੂਰ ਦਿਸਹੱਦੇ ਵੱਲ ਪੰਛੀਆਂ ਦੀਆਂ ਡਾਰਾਂ
ਕਾਲੀ ਮਹਿੰਦੀ ਲ੍ਕੋਈਆਂ ਚਾਂਦੀ ਦੀਆਂ ਤਾਰਾਂ
ਫਿਕਰਾਂ ਦੇ ਢਾਲੇ ਲਾਹੇ ਉਮਰਾਂ ਦੇ ਚੌਰਾਹੇ
ਵੇਖ ਲਵੋ ਯਾਰੋ ਮੈਂ ਸੀ ਅਨਭੋਲ ਕਿੰਨਾ
ਇੱਕ ਫੂਕ ਨੂੰ ਸੀ ਤਰਸੀ ਰਾਂਝੇ ਦੀ ਵੰਝਲੀ
ਬੇਲੇ ਦੇ ਰੁੱਖ ਬਣ ਗਏ ਦਰਵਾਜੇ ਸੰਦਲੀ
ਕਿੰਨਾ ਕੁ ਸੀ ਹੀਰ ਦੇ ਖੁਦ ਦੇ ਵੱਸ ਵਿੱਚ
ਤੇ ਮੱਥੇ ਦੀਆਂ ਲਕੀਰਾਂ ਦਾ ਸੀ ਰੋਲ ਕਿੰਨਾ
ਕਦੇ ਨਜ਼ਰਾਂ ਮਿਲਾਵੇ ਤੇ ਕਦੇ ਨਜ਼ਰਾਂ ਚੁਰਾਵੇ
ਕਦੇ ਬੁਲਾਇਆਂ ਨਾ ਬੋਲੇ ਕਦੇ ਗੀਤ ਸੁਣਾਵੇ
ਅੱਜ ਤੱਕ ਨਾ ਮੈਂ ਸਮਝਿਆ ਉਸਦਾ ਮਿਜਾਜ਼
ਮੈਨੂੰ ਤਾਂ ਉਹ ਲੱਗਦੈ ਸੁਭਾਅ ਦਾ ਗੋਲ ਕਿੰਨਾ
ਦਰਿਆ ਦਾ ਕੰਢਾ ਸੀ ਤੇ ਅਸਮਾਨ ਨੀਲਾ
ਝੱਖੜ ਨੇ ਕਰ ਦਿੱਤਾ ਆਲ੍ਹਣਾ ਤੀਲਾ ਤੀਲਾ
ਇਹ ਪੰਛੀ ਤਾਂ ਕਦੇ ਉੱਚਾ ਨਹੀਂ ਸੀ ਉੱਡਿਆ
ਤੇ ਹਵਾਵਾਂ ਨਾਲ ਰੱਖਦਾ ਸੀ ਮੇਲ ਜੋਲ ਕਿੰਨਾ
Friday, 1 February 2013
ਪੈਰਾਂ ਤੋਂ ਪਗਡੰਡੀ ਤੱਕ
ਪਗਡੰਡੀ ਮਿਲ ਗਈ ਹੈ
ਜਾਣੋਂ ਤੇਰੀ ਉਂਗਲ ਮਿਲ ਗਈ ਹੈ
ਡਿੱਗਦਾ ਢਹਿੰਦਾ
ਉੱਠਦਾ ਬਹਿੰਦਾ
ਕਦੇ ਮੀਲ ਪੱਥਰ ਤੇ
ਇੱਕ ਪੈਰ ਧਰ ਖਲੋਂਦਾ
ਪਜਾਮੇ ਨਾਲ ਚੰਬੜੇ ਹੋਏ
ਪੁਠਕੰਡਿਆਂ ਨੂੰ ਲਾਹੁੰਦਾ
ਕਦੇ ਮੱਥੇ ਤੇ ਹੱਥ ਧਰ
ਅੱਡੀਆਂ ਚੁੱਕ ਚੁੱਕ ਵੇਖਦਾ
ਪਹੁੰਚ ਹੀ ਜਾਵਾਂਗਾ ਮੰਜਿਲ ਤੇ
ਕਿਓੰਕੇ ਮੈਨੂੰ ਪਤਾ ਹੈ ਕਿ
ਪਗਡੰਡੀ ਦਾ ਦੂਸਰਾ ਸਿਰਾ
ਮੰਜਿਲ ਦੇ ਮੱਥੇ 'ਚ ਸਮਾਇਆ ਹੋਇਐ
ਇਹ ਸਫਰ
ਮੈਨੂੰ ਕੋਈ ਔਖਾ ਨਹੀਂ ਲੱਗਿਆ
ਔਖਾ ਤਾਂ ਓਦੋਂ ਸੀ
ਜਦ ਨਾਂ ਤੇਰੀ ਉਂਗਲ ਸੀ
ਤੇ ਨਾ ਹੀ ਪਗਡੰਡੀ
ਪੁਠਕੰਡੇ ਵੀ ਨਹੀਂ ਸਨ
ਔਖਾ ਸੀ ਤਾਂ ਬਸ
ਅਨੰਤ ਖਲਾਅ ਵਰਗਾ ਉਹ
ਪੈਰਾਂ ਤੋਂ ਪਗਡੰਡੀ ਤੱਕ ਦਾ ਸਫਰ
--------------------------ਹਰਵਿੰਦਰ ਧਾਲੀਵਾਲ
ਡਿੱਗਦਾ ਢਹਿੰਦਾ
ਉੱਠਦਾ ਬਹਿੰਦਾ
ਕਦੇ ਮੀਲ ਪੱਥਰ ਤੇ
ਇੱਕ ਪੈਰ ਧਰ ਖਲੋਂਦਾ
ਪਜਾਮੇ ਨਾਲ ਚੰਬੜੇ ਹੋਏ
ਪੁਠਕੰਡਿਆਂ ਨੂੰ ਲਾਹੁੰਦਾ
ਕਦੇ ਮੱਥੇ ਤੇ ਹੱਥ ਧਰ
ਅੱਡੀਆਂ ਚੁੱਕ ਚੁੱਕ ਵੇਖਦਾ
ਪਹੁੰਚ ਹੀ ਜਾਵਾਂਗਾ ਮੰਜਿਲ ਤੇ
ਕਿਓੰਕੇ ਮੈਨੂੰ ਪਤਾ ਹੈ ਕਿ
ਪਗਡੰਡੀ ਦਾ ਦੂਸਰਾ ਸਿਰਾ
ਮੰਜਿਲ ਦੇ ਮੱਥੇ 'ਚ ਸਮਾਇਆ ਹੋਇਐ
ਇਹ ਸਫਰ
ਮੈਨੂੰ ਕੋਈ ਔਖਾ ਨਹੀਂ ਲੱਗਿਆ
ਔਖਾ ਤਾਂ ਓਦੋਂ ਸੀ
ਜਦ ਨਾਂ ਤੇਰੀ ਉਂਗਲ ਸੀ
ਤੇ ਨਾ ਹੀ ਪਗਡੰਡੀ
ਪੁਠਕੰਡੇ ਵੀ ਨਹੀਂ ਸਨ
ਔਖਾ ਸੀ ਤਾਂ ਬਸ
ਅਨੰਤ ਖਲਾਅ ਵਰਗਾ ਉਹ
ਪੈਰਾਂ ਤੋਂ ਪਗਡੰਡੀ ਤੱਕ ਦਾ ਸਫਰ
--------------------------ਹਰਵਿੰਦਰ ਧਾਲੀਵਾਲ
Sunday, 2 December 2012
ਕਿਰਤੀ ਕੁੜੀਏ
ਆਪਣੇ ਵੀਰ ਦੇ ਵਿਆਹ 'ਚ ਨਚਦੀਏ
ਕਿਰਤੀ ਕੁੜੀਏ ...
ਬੜਾ ਚੰਗਾ ਲੱਗਿਆ ਅੱਜ
ਵਰਿਆਂ ਬਾਅਦ ਤੇਰੇ ਬੁੱਲਾਂ ਤੇ
ਖੇਡਦੇ ਹਾਸੇ ਵੇਖ
ਬੇਸ਼ੱਕ ਤੇਰੇ ਸਾਂਵਲੇ ਚਿਹਰੇ ਨੂੰ
ਧਿਆਨ ਨਾਲ ਵੇਖਿਆਂ
ਅਜੇ ਵੀ ਦਿਸ ਪੈਂਦੀ ਹੈ
ਭੱਠੇ ਦੀ ਕੇਰੀ ਦੀ ਝਲਕ
ਕਿਓੰਕੇ ਪਿੰਡ ਦੀ ਹੱਟੀ ਤੋਂ ਖਰੀਦੀ
ਸਸਤੀ ਕਰੀਮ ਦੇ ਵੱਸ ਦਾ ਰੋਗ ਨਹੀਂ
ਕਿ ਉਹ ਵਰ੍ਹਿਆਂ ਦੀ ਗੁਰਬਤ ਦੀ
ਸਿਆਹੀ ਨੂੰ ਇੱਕ ਦਿਨ ਵਿੱਚ ਹੀ
ਖਤਮ ਕਰ ਦੇਵੇ
ਫੇਰ ਵੀ ਅੜੀਏ ..
ਅੱਜ ਤੈਨੂੰ ਖੁਸ਼ ਵੇਖ ਕੇ
ਮੇਰਾ ਮਨ ਸ਼ਾਂਤ ਸ਼ਾਂਤ ਹੈ
ਡੈੱਕ ਤੇ ਚਲਦੇ ਗੀਤ
ਲੱਕ ਟਵੈਂਟੀ ਏਟ
ਜਿਸ ਦੀ ਤਾਲ ਤੇ ਤੂੰ ਨੱਚੀ ਜਾ ਰਹੀ ਏਂ
ਉਸ ਗੀਤ ਦੇ ਰਚਨਹਾਰੇ ਜਿੰਨਾ
ਮੈਂ ਬੇਸ਼ਰਮ ਨਹੀਂ ਹਾਂ
ਕਿ ਤੇਰੇ ਨੱਚਦੀ ਦਾ ਲੱਕ ਮਿਣ ਲਵਾਂ
ਜਾਂ ਨਜਰਾਂ ਹੀ ਨਜਰਾਂ ਵਿੱਚ
ਤੇਰਾ ਭਾਰ ਤੋਲ ਲਵਾਂ
ਸੱਚ ਪੁੱਛੇ ਤਾਂ ਮੈਥੋਂ
ਤੇਰੇ ਹੱਥਾਂ ਦੇ ਅੱਟਣਾਂ ਤੋਂ ਲੈ ਕੇ
ਬਿਆਈਆਂ ਤੱਕ ਦੀ ਗਹਿਰਾਈ ਹੀ
ਨਹੀਂ ਮਿਣੀ ਜਾਂਦੀ
ਇਹ ਘੜੀ ਪਲ ਦਾ ਹਾਸਾ
ਇਹ ਘੜੀ ਪਲ ਦੀ ਖੁਸ਼ੀ
ਤੈਨੂੰ ਮੁਬਾਰਕ ਤਾਂ ਕਹਿ ਦੇਵਾਂ
ਪਰ ਕੀ ਕਰਾਂ ਕਿ ਮੈਨੂੰ ਪਤਾ ਹੈ
ਤੇਰੀ ਜਿੰਦਗੀ ਦੇ ਹਰ ਮੋੜ ਤੇ ਨੇ
ਦੁਸ਼ਵਾਰੀਆਂ ਹੀ ਦੁਸ਼ਵਾਰੀਆਂ
ਆਪਣੇ ਵੀਰ ਦੇ ਵਿਆਹ 'ਚ ਨਚਦੀਏ
ਕਿਰਤੀ ਕੁੜੀਏ ...
ਬੜਾ ਚੰਗਾ ਲੱਗਿਆ ਅੱਜ
ਵਰਿਆਂ ਬਾਅਦ ਤੇਰੇ ਬੁੱਲਾਂ ਤੇ
ਖੇਡਦੇ ਹਾਸੇ ਵੇਖ
ਬੇਸ਼ੱਕ ਤੇਰੇ ਸਾਂਵਲੇ ਚਿਹਰੇ ਨੂੰ
ਧਿਆਨ ਨਾਲ ਵੇਖਿਆਂ
ਅਜੇ ਵੀ ਦਿਸ ਪੈਂਦੀ ਹੈ
ਭੱਠੇ ਦੀ ਕੇਰੀ ਦੀ ਝਲਕ
ਕਿਓੰਕੇ ਪਿੰਡ ਦੀ ਹੱਟੀ ਤੋਂ ਖਰੀਦੀ
ਸਸਤੀ ਕਰੀਮ ਦੇ ਵੱਸ ਦਾ ਰੋਗ ਨਹੀਂ
ਕਿ ਉਹ ਵਰ੍ਹਿਆਂ ਦੀ ਗੁਰਬਤ ਦੀ
ਸਿਆਹੀ ਨੂੰ ਇੱਕ ਦਿਨ ਵਿੱਚ ਹੀ
ਖਤਮ ਕਰ ਦੇਵੇ
ਫੇਰ ਵੀ ਅੜੀਏ ..
ਅੱਜ ਤੈਨੂੰ ਖੁਸ਼ ਵੇਖ ਕੇ
ਮੇਰਾ ਮਨ ਸ਼ਾਂਤ ਸ਼ਾਂਤ ਹੈ
ਡੈੱਕ ਤੇ ਚਲਦੇ ਗੀਤ
ਲੱਕ ਟਵੈਂਟੀ ਏਟ
ਜਿਸ ਦੀ ਤਾਲ ਤੇ ਤੂੰ ਨੱਚੀ ਜਾ ਰਹੀ ਏਂ
ਉਸ ਗੀਤ ਦੇ ਰਚਨਹਾਰੇ ਜਿੰਨਾ
ਮੈਂ ਬੇਸ਼ਰਮ ਨਹੀਂ ਹਾਂ
ਕਿ ਤੇਰੇ ਨੱਚਦੀ ਦਾ ਲੱਕ ਮਿਣ ਲਵਾਂ
ਜਾਂ ਨਜਰਾਂ ਹੀ ਨਜਰਾਂ ਵਿੱਚ
ਤੇਰਾ ਭਾਰ ਤੋਲ ਲਵਾਂ
ਸੱਚ ਪੁੱਛੇ ਤਾਂ ਮੈਥੋਂ
ਤੇਰੇ ਹੱਥਾਂ ਦੇ ਅੱਟਣਾਂ ਤੋਂ ਲੈ ਕੇ
ਬਿਆਈਆਂ ਤੱਕ ਦੀ ਗਹਿਰਾਈ ਹੀ
ਨਹੀਂ ਮਿਣੀ ਜਾਂਦੀ
ਇਹ ਘੜੀ ਪਲ ਦਾ ਹਾਸਾ
ਇਹ ਘੜੀ ਪਲ ਦੀ ਖੁਸ਼ੀ
ਤੈਨੂੰ ਮੁਬਾਰਕ ਤਾਂ ਕਹਿ ਦੇਵਾਂ
ਪਰ ਕੀ ਕਰਾਂ ਕਿ ਮੈਨੂੰ ਪਤਾ ਹੈ
ਤੇਰੀ ਜਿੰਦਗੀ ਦੇ ਹਰ ਮੋੜ ਤੇ ਨੇ
ਦੁਸ਼ਵਾਰੀਆਂ ਹੀ ਦੁਸ਼ਵਾਰੀਆਂ
Tuesday, 23 October 2012
Wednesday, 11 July 2012
ਗਜ਼ਲ
ਜਿਸਨੂੰ ਜੋ ਵੀ ਚਾਹਤ ਉਸਨੂੰ ਉਹ ਚਾਹਤ ਮਿਲੇ
ਸਾਨੂੰ ਤਾਂ ਬਸ ਔੜ ਮਾਰੀ ਰੁੱਤੇ ਉਸਦਾ ਖਤ ਮਿਲੇ
.........
ਚੁੱਪ ਰਹਿਣ ਤੇ ਲੋਕਾਂ ਨੇ ਹੈ ਭੰਡਣਾ ਪਾਣੀ ਪੀ ਪੀ
ਕੁੱਝ ਬੋਲਾਂ ਤਾਂ ਬਲਦੇ ਸ਼ਬਦਾਂ ਦੀ ਬਗਾਵਤ ਮਿਲੇ
.........
ਸੋਫੀ ਬੰਦਾ ਕੀ ਗੱਲ ਕਰਲੂ ਪਿਆਰ ਮੁਹੱਬਤ ਵਾਲੀ
ਬਸ ਕੌੜਾ ਪਾਣੀ ਸੰਘੋਂ ਲਾਹ ਕੇ ਹੋ ਮਦਮਸਤ ਮਿਲੇ
.........
ਭੱਜੀਆਂ ਬਾਹਵਾਂ ਨੇ ਤਾਂ ਆਖਰ ਗਲ ਨੂੰ ਆਉਣਾ
ਧਾ ਗਲਵੱਕੜੀ ਪਾਈ ਹੋ ਕੇ ਵੱਟੋ ਵੱਟ ਮਿਲੇ
..........
ਸਾੜ ਸੁੱਟਿਆ ਪਿੰਡਾ ਹਰਵਿੰਦਰ ਗਰਮ ਹਵਾਵਾਂ
ਵਿੱਚ ਤੰਦੂਰ ਵੜ ਵੇਖੀਏ ਸ਼ਾਇਦ ਰਾਹਤ ਮਿਲੇ ........ਹਰਵਿੰਦਰ ਧਾਲੀਵਾਲ
ਸਾਨੂੰ ਤਾਂ ਬਸ ਔੜ ਮਾਰੀ ਰੁੱਤੇ ਉਸਦਾ ਖਤ ਮਿਲੇ
.........
ਚੁੱਪ ਰਹਿਣ ਤੇ ਲੋਕਾਂ ਨੇ ਹੈ ਭੰਡਣਾ ਪਾਣੀ ਪੀ ਪੀ
ਕੁੱਝ ਬੋਲਾਂ ਤਾਂ ਬਲਦੇ ਸ਼ਬਦਾਂ ਦੀ ਬਗਾਵਤ ਮਿਲੇ
.........
ਸੋਫੀ ਬੰਦਾ ਕੀ ਗੱਲ ਕਰਲੂ ਪਿਆਰ ਮੁਹੱਬਤ ਵਾਲੀ
ਬਸ ਕੌੜਾ ਪਾਣੀ ਸੰਘੋਂ ਲਾਹ ਕੇ ਹੋ ਮਦਮਸਤ ਮਿਲੇ
.........
ਭੱਜੀਆਂ ਬਾਹਵਾਂ ਨੇ ਤਾਂ ਆਖਰ ਗਲ ਨੂੰ ਆਉਣਾ
ਧਾ ਗਲਵੱਕੜੀ ਪਾਈ ਹੋ ਕੇ ਵੱਟੋ ਵੱਟ ਮਿਲੇ
..........
ਸਾੜ ਸੁੱਟਿਆ ਪਿੰਡਾ ਹਰਵਿੰਦਰ ਗਰਮ ਹਵਾਵਾਂ
ਵਿੱਚ ਤੰਦੂਰ ਵੜ ਵੇਖੀਏ ਸ਼ਾਇਦ ਰਾਹਤ ਮਿਲੇ ........ਹਰਵਿੰਦਰ ਧਾਲੀਵਾਲ
Tuesday, 22 May 2012
Tuesday, 1 May 2012
ਸਫੇਦ ਉਡਾਰੀ
ਮੈਂ ਉਂਝ ਤਾਂ ਤੈਨੂੰ
ਭੁਲਾ ਬੈਠਾ ਹਾਂ
ਪਰ ਉਸ ਸੁਪਨੇ ਦਾ ਕੀ ਕਰਾਂ
ਜੋ ਅਠੀਂ ਦਸੀਂ ਦਿਨੀਂ ਆਉਂਦਾ ਹੈ
ਤੇ ਮੈਂ ਤੜਪ ਕੇ ਉਠਦਾ ਹਾਂ l
ਉਠਦਾ ਵੀ ਕਾਹਦਾ ..
ਟੁੱਟਦਾ ਹਾਂ ,ਕਿਰਦਾ ਹਾਂ
ਤੇ ਫੇਰ ਚਾਰ ਪੰਜ ਦਿਨ
ਇਸੇ ਤਰਾਂ ਕਿਣਕਾ ਕਿਣਕਾ ਹੋ
ਬਿਖਰਦਾ ਰਹਿੰਦਾ ਹਾਂ l
ਆਪਣੇ ਆਪ ਨੂੰ ਝੰਜੋੜ
ਫੇਰ ਤੈਨੂੰ ਨਵੇਂ ਸਿਰਿਓਂ
ਭੁੱਲਣ ਦੀ ਕੋਸ਼ਿਸ ਵਿੱਚ ਲੱਗ ਜਾਂਦਾ ਹਾਂ l
ਸੁਪਨਾ ਵੀ ਕੀ ਆਉਂਦੈ
ਉਹੀ ਬੱਸ
ਤੇਰਾ ਪਿਆਰ ਨਾਲ ਤੱਕਣਾ
ਸਰੀਰ ਨੂੰ ਇੱਕ ਪਾਸੇ ਰੱਖ
ਕਮਲ ਦੇ ਫੁੱਲ ਵਰਗੇ ਵਜੂਦ ਨੂੰ
ਮੇਰੇ ਵਿੱਚ ਸਮਾ ਲੈਣਾ l
ਤੇ ਕਦੇ
ਮੇਰੇ ਪਿਆਲੇ ਚੋਂ ਬਚਦੀ
ਚਾਹ ਦੀ ਛਿੱਟ ਨੂੰ
ਅੱਖਾਂ ਮੂੰਦ ਕੇ ਪੀਣਾ ਤੇ ਕਹਿਣਾ
ਆਹਾ !
ਕਿੰਨੀਆਂ ਸੁਆਦੀ
ਅੰਮ੍ਰਿਤ ਬੂੰਦਾਂ l
ਕਦੇ ਤੂੰ ਵੇਖ ਰਹੀ ਹੁੰਨੀ ਏਂ
ਬਲਦੇ ਸੂਰਜ ਵੱਲ
ਤੇ ਨੀਲੇ ਅੰਬਰ ਵਿੱਚ ਵਿਚਰਦੀ
ਸਫੇਦ ਉਡਾਰੀ ਨੂੰ
ਪਰ ਵਕਤ ਲੰਘ ਚੁੱਕਿਆ ਹੈ l
ਮੈਂ ਉਂਝ ਤਾਂ ਤੈਨੂੰ
ਭੁਲਾ ਬੈਠਾ ਹਾਂ
ਪਰ ਉਸ ਸੁਪਨੇ ਦਾ ਕੀ ਕਰਾਂ
ਜੋ ਅਠੀਂ ਦਸੀਂ ਦਿਨੀਂ ਆਉਂਦਾ ਹੈ
ਤੇ ਮੈਂ ਤੜਪ ਕੇ ਉਠਦਾ ਹਾਂ l.............................ਹਰਵਿੰਦਰ ਧਾਲੀਵਾਲ
ਪਰ ਉਸ ਸੁਪਨੇ ਦਾ ਕੀ ਕਰਾਂ
ਜੋ ਅਠੀਂ ਦਸੀਂ ਦਿਨੀਂ ਆਉਂਦਾ ਹੈ
ਤੇ ਮੈਂ ਤੜਪ ਕੇ ਉਠਦਾ ਹਾਂ l
ਉਠਦਾ ਵੀ ਕਾਹਦਾ ..
ਟੁੱਟਦਾ ਹਾਂ ,ਕਿਰਦਾ ਹਾਂ
ਤੇ ਫੇਰ ਚਾਰ ਪੰਜ ਦਿਨ
ਇਸੇ ਤਰਾਂ ਕਿਣਕਾ ਕਿਣਕਾ ਹੋ
ਬਿਖਰਦਾ ਰਹਿੰਦਾ ਹਾਂ l
ਆਪਣੇ ਆਪ ਨੂੰ ਝੰਜੋੜ
ਫੇਰ ਤੈਨੂੰ ਨਵੇਂ ਸਿਰਿਓਂ
ਭੁੱਲਣ ਦੀ ਕੋਸ਼ਿਸ ਵਿੱਚ ਲੱਗ ਜਾਂਦਾ ਹਾਂ l
ਸੁਪਨਾ ਵੀ ਕੀ ਆਉਂਦੈ
ਉਹੀ ਬੱਸ
ਤੇਰਾ ਪਿਆਰ ਨਾਲ ਤੱਕਣਾ
ਸਰੀਰ ਨੂੰ ਇੱਕ ਪਾਸੇ ਰੱਖ
ਕਮਲ ਦੇ ਫੁੱਲ ਵਰਗੇ ਵਜੂਦ ਨੂੰ
ਮੇਰੇ ਵਿੱਚ ਸਮਾ ਲੈਣਾ l
ਤੇ ਕਦੇ
ਮੇਰੇ ਪਿਆਲੇ ਚੋਂ ਬਚਦੀ
ਚਾਹ ਦੀ ਛਿੱਟ ਨੂੰ
ਅੱਖਾਂ ਮੂੰਦ ਕੇ ਪੀਣਾ ਤੇ ਕਹਿਣਾ
ਆਹਾ !
ਕਿੰਨੀਆਂ ਸੁਆਦੀ
ਅੰਮ੍ਰਿਤ ਬੂੰਦਾਂ l
ਕਦੇ ਤੂੰ ਵੇਖ ਰਹੀ ਹੁੰਨੀ ਏਂ
ਬਲਦੇ ਸੂਰਜ ਵੱਲ
ਤੇ ਨੀਲੇ ਅੰਬਰ ਵਿੱਚ ਵਿਚਰਦੀ
ਸਫੇਦ ਉਡਾਰੀ ਨੂੰ
ਪਰ ਵਕਤ ਲੰਘ ਚੁੱਕਿਆ ਹੈ l
ਮੈਂ ਉਂਝ ਤਾਂ ਤੈਨੂੰ
ਭੁਲਾ ਬੈਠਾ ਹਾਂ
ਪਰ ਉਸ ਸੁਪਨੇ ਦਾ ਕੀ ਕਰਾਂ
ਜੋ ਅਠੀਂ ਦਸੀਂ ਦਿਨੀਂ ਆਉਂਦਾ ਹੈ
ਤੇ ਮੈਂ ਤੜਪ ਕੇ ਉਠਦਾ ਹਾਂ l.............................ਹਰਵਿੰਦਰ ਧਾਲੀਵਾਲ
Sunday, 15 April 2012
ਗਜ਼ਲ
ਮੈਨੂੰ ਨਹੀਂ ਪਤਾ ਕਿ ਕਿੱਥੇ ਹੋਈ ਹੈ ਗੜਬੜ
ਕਿ ਮੇਰੇ ਸਾਹੀਂ ਕਿਓਂ ਵਸ ਗਈ ਹੈ ਪੱਤਝੜ
.....................................................
ਰੁੱਤਾਂ ਨੂੰ ਦੋਸ਼ ਦੇਈਏ ਕਿ ਰੁੱਖਾਂ ਨੂੰ ਯਾਰਾ
ਜਿਸਨੂੰ ਵੀ ਕਹਿਏ ਉਹੀ ਜਾਂਦਾ ਹੈ ਬਲ ਸੜ
......................................................
ਮੇਰੇ ਜਿਹਨ ਵਿੱਚ ਹੁਣ ਹੋਰ ਕੁਝ ਨਹੀਂ ਉੱਗਦਾ
ਬਸ ਹਵਾਵਾਂ ਦਾ ਸ਼ੋਰ ਹੈ ਤੇ ਪੱਤਿਆਂ ਦੀ ਖੜ ਖੜ
........................................................
ਸਕੂਨ ਦੀ ਜਗਾਹ ਲੱਗ ਗਈ ਹੈ ਅੱਚਵੀ ਜਿਹੀ
ਤੇਰੀ ਦੁਆ ਦਾ ਲੱਗਦੈ ਹੋਇਆ ਉਲਟ ਅਸਰ
.........................................................
ਕਦੇ ਤੇਰੇ ਦਰ ਤੇ ਵੀ ਆਵਾਂਗੇ ਬਣ ਕੇ ਸਵਾਲੀ
ਸਾਡੇ ਮੱਥੇ ਜੋ ਲਿਖਿਐ ਭਟਕਣਾ ਦਰ ਬ ਦਰ
..........................................................
ਚੁੱਪ ਚੁੱਪ ਕਿਓਂ ਰਹਿੰਦਾ ਹਰਵਿੰਦਰ ਅੱਜ ਕੱਲ
ਆਓ ਕੱਢੀਏ ਇਸ ਗੱਲ ਦੀ ਕੋਈ ਖੋਜ ਖਬਰ
..........................o.............................
ਕਿ ਮੇਰੇ ਸਾਹੀਂ ਕਿਓਂ ਵਸ ਗਈ ਹੈ ਪੱਤਝੜ
.....................................................
ਰੁੱਤਾਂ ਨੂੰ ਦੋਸ਼ ਦੇਈਏ ਕਿ ਰੁੱਖਾਂ ਨੂੰ ਯਾਰਾ
ਜਿਸਨੂੰ ਵੀ ਕਹਿਏ ਉਹੀ ਜਾਂਦਾ ਹੈ ਬਲ ਸੜ
......................................................
ਮੇਰੇ ਜਿਹਨ ਵਿੱਚ ਹੁਣ ਹੋਰ ਕੁਝ ਨਹੀਂ ਉੱਗਦਾ
ਬਸ ਹਵਾਵਾਂ ਦਾ ਸ਼ੋਰ ਹੈ ਤੇ ਪੱਤਿਆਂ ਦੀ ਖੜ ਖੜ
........................................................
ਸਕੂਨ ਦੀ ਜਗਾਹ ਲੱਗ ਗਈ ਹੈ ਅੱਚਵੀ ਜਿਹੀ
ਤੇਰੀ ਦੁਆ ਦਾ ਲੱਗਦੈ ਹੋਇਆ ਉਲਟ ਅਸਰ
.........................................................
ਕਦੇ ਤੇਰੇ ਦਰ ਤੇ ਵੀ ਆਵਾਂਗੇ ਬਣ ਕੇ ਸਵਾਲੀ
ਸਾਡੇ ਮੱਥੇ ਜੋ ਲਿਖਿਐ ਭਟਕਣਾ ਦਰ ਬ ਦਰ
..........................................................
ਚੁੱਪ ਚੁੱਪ ਕਿਓਂ ਰਹਿੰਦਾ ਹਰਵਿੰਦਰ ਅੱਜ ਕੱਲ
ਆਓ ਕੱਢੀਏ ਇਸ ਗੱਲ ਦੀ ਕੋਈ ਖੋਜ ਖਬਰ
..........................o.............................
Sunday, 18 March 2012
Wednesday, 18 January 2012
ਗਜ਼ਲ
ਮੈਂ ਵੇਖੇ ਨੇ ਜਿੰਦਗੀ ਵਿੱਚ ਬੜੇ ਐਹੋ ਜਿਹੇ ਮੰਜ਼ਰ ਮੈਨੂੰ ਵੇਖ ਕਿਓਂ ਲੁਕੋ ਰਿਹੈਂ ਹੱਥ ਵਿਚਲਾ ਖੰਜਰ
ਵੇਖੀਂ! ਕਿਤੇ ਪਿੱਠ ਤੇ ਵਾਰ ਕਰ ਗਦਾਰ ਬਣ ਜਾਵੇਂ
ਆ ਹਿੱਕ ਤੇ ਵਾਰ ਕਰ ਲੈ ਜੇ ਅਖਵਾਉਣੈਂ ਬਹਾਦਰ
ਚੁੱਲਿਆਂ ਦੀ ਅੱਗ ਬੁੱਝ ਗਈ ਤੇ ਸਿਵੇ ਨੇ ਬਲ ਰਹੇ
ਤੇਰੀ ਫੂਕ ਨੇ ਹੈ ਕੀਤਾ ਕੁਝ ਇਸ ਤਰਾਂ ਦਾ ਅਸਰ
ਉੱਡਦੀ ਬਦਲੋਟੀ ਨੂੰ ਆਖੋ ਕੁੱਝ ਬੂੰਦਾਂ ਸੁੱਟ ਜਾਵੇ
ਬੜੇ ਚਿਰਾਂ ਤੋਂ ਪਿਆਸੀ ਯਾਰੋ ਧਰਤੀ ਇਹ ਬੰਜਰ
ਆਖਰ ਤਾਂ ਕਿਰਨ ਨੇ ਚੀਰ ਦੇਣੀ ਹੈ ਧੁੰਦ ਸੰਘਣੀ
ਆਸ ਤਾਂ ਨਹੀਂ ਕਿ ਤੂੰ ਹੋਵੇਂਗਾ ਇਸ ਗੱਲੋਂ ਬੇ ਖਬਰ
ਗੈਰਾਂ ਸੀ ਜਦ ਪੁਛਿੱਆ ਕਿ ਦੱਸ ਤੇਰਾ ਮੀਤ ਕਿਹੜਾ
ਉਸ ਹੌਲੀ ਦੇਣੇ ਕਹਿ ਦਿੱਤਾ ਧਾਲੀਵਾਲ ਹਰਵਿੰਦਰ .............ਹਰਵਿੰਦਰ ਧਾਲੀਵਾਲ
Monday, 12 December 2011
ਗ਼ਜ਼ਲ
ਸੱਚੇ ਸੁੱਚੇ ਪਿਆਰ ਗੁਆਚੇ
ਫੁੱਲਾਂ ਵਰਗੇ ਯਾਰ ਗੁਆਚੇ
ਦਮ ਦੇ ਵਿੱਚ ਜੋ ਦਮ ਸੀ ਭਰਦੇ
ਸੱਜਣ ਬੜੇ ਦਮਦਾਰ ਗੁਆਚੇ
ਲਾਈਏ ਕਿਸ ਨੂੰ ਨਾਲ ਹਿੱਕ ਦੇ
ਸਾਡੇ ਗਲ ਦੇ ਹਾਰ ਗੁਆਚੇ
ਕਿਸ ਤੋਂ ਮੰਗੀਏ ਮਾਫੀ ਯਾਰੋ
ਮੁਰਸ਼ਦ ਬਖਸ਼ਣਹਾਰ ਗੁਆਚੇ
ਹਾਸਿਆਂ ਚੋਂ ਗਮ ਲਭ ਲੈਂਦੇ ਸੀ
ਰੱਬ ਵਰਗੇ ਗਮ ਖਾਰ ਗੁਆਚੇ
ਤੇਰੀ ਲਾਸ਼ ਨੂੰ ਕਿਸਨੇ ਢੋਣਾ
ਹਰਵਿੰਦਰ ਮੋਢੇ ਚਾਰ ਗੁਆਚੇ ............ਹਰਵਿੰਦਰ ਧਾਲੀਵਾਲ
ਫੁੱਲਾਂ ਵਰਗੇ ਯਾਰ ਗੁਆਚੇ ਦਮ ਦੇ ਵਿੱਚ ਜੋ ਦਮ ਸੀ ਭਰਦੇ
ਸੱਜਣ ਬੜੇ ਦਮਦਾਰ ਗੁਆਚੇ
ਲਾਈਏ ਕਿਸ ਨੂੰ ਨਾਲ ਹਿੱਕ ਦੇ
ਸਾਡੇ ਗਲ ਦੇ ਹਾਰ ਗੁਆਚੇ
ਕਿਸ ਤੋਂ ਮੰਗੀਏ ਮਾਫੀ ਯਾਰੋ
ਮੁਰਸ਼ਦ ਬਖਸ਼ਣਹਾਰ ਗੁਆਚੇ
ਹਾਸਿਆਂ ਚੋਂ ਗਮ ਲਭ ਲੈਂਦੇ ਸੀ
ਰੱਬ ਵਰਗੇ ਗਮ ਖਾਰ ਗੁਆਚੇ
ਤੇਰੀ ਲਾਸ਼ ਨੂੰ ਕਿਸਨੇ ਢੋਣਾ
ਹਰਵਿੰਦਰ ਮੋਢੇ ਚਾਰ ਗੁਆਚੇ ............ਹਰਵਿੰਦਰ ਧਾਲੀਵਾਲ
Friday, 18 November 2011
ਗ਼ਜ਼ਲ
ਹਰ ਮਹਿਫਲ ਵਿੱਚ ਹਾਜਰੀਆਂ ਲਗਵਾਈ ਚੱਲ ਟੁੱਟੇ ਭੱਜੇ,ਵਿੰਗੇ ਟੇਢੇ,ਅੱਖਰ ਚਾਰ ਸੁਣਾਈ ਚੱਲ
ਕਿਸੇ ਸ਼ਾਇਰ ਦੀ ਰਚਨਾ ਸੁਣਨ ਦੀ ਲੋੜ ਨਹੀਂ
ਬਸ ਇੰਡ ਤੇ ਆਕੇ, ਤਾੜੀ ਖੂਬ ਵਜਾਈ ਚੱਲ
ਖੱਟੀ ਚੱਲ ਵਾਹ ਵਾਹ, ਸ਼ੇਅਰ ਸੁਣਾ ਕੇ ਚੋਰੀ ਦੇ
ਬੇ ਸ਼ਰ੍ਮੀ ਨਾਲ ਬੁੱਲੀਆਂ ਵਿੱਚ ਮੁਸਕਾਈ ਚੱਲ
ਨਜ਼ਮ, ਲੇਖ ਵਿੱਚ ਫਰਕ ਜੇ ,ਤੈਨੂੰ ਲਭੇ ਨਾ
'ਸੋਹਣੀ ਰਚਨਾ' ਕਹਿ ਕੇ, ਡੰਗ ਟਪਾਈ ਚੱਲ
ਬਣ 'ਸੰਪਾਦਕ' ਓਨਲਾਈਨ ਇੱਕ ਪੇਪਰ ਦਾ
ਕੱਚਾ ਪਿੱਲਾ ਜੋ ਵੀ ਹੋਵੇ,ਉਸਦੇ ਵਿੱਚ ਸਮਾਈ ਚੱਲ
ਪਰਵਾਹ ਨਾ ਕਰ, ਕਿਸੇ ਨਾਢੂ ਖਾਂ ਹਰਵਿੰਦਰ ਦੀ
ਤੂੰ, ਤੋਰੀ ਫੁਲਕਾ, ਚਲਦਾ ਜਿਵੇਂ, ਚਲਾਈ ਚੱਲ ......................ਹਰਵਿੰਦਰ ਧਾਲੀਵਾਲ
Wednesday, 16 November 2011
ਗ਼ਜ਼ਲ
ਮਾਰ ਲਿਆ ਰੁੱਸਵਾਈਆਂ ਨੇ
ਤੇਰੀਆਂ ਬੇ ਪਰਵਾਹੀਆਂ ਨੇ

ਸਾਡੀ ਝੋਲੀ ਦੇ ਵਿੱਚ ਪਈਆਂ
ਲੰਮੀਆਂ ਬਹੁਤ ਜੁਦਾਈਆਂ ਨੇ
ਤੇਰੇ ਨਾਂ ਦਾ ਪੱਥਰ ਗੱਡਿਆ
ਮਿਲ ਜੁਲ ਕੇ ਸਭ ਰਾਹੀਆਂ ਨੇ
ਰੌਨਕ ਲੈ ਗਿਓਂ ਨਾਲ ਆਪਣੇ
ਜਿੰਦ ਘੇਰ ਲਈ ਤਨਹਾਈਆਂ ਨੇ
ਡੌਰ ਭੌਰ ਜੀਆਂ ਝਾਕੀ ਜਾਵਣ
ਸਧਰਾਂ ਹੁਣ ਬੁਖ੍ਲਾਈਆਂ ਨੇ
ਨੈਣੀਂ ਪਾ ਯਾਦਾਂ ਦਾ ਕਜਲਾ
ਘਟਾ ਕਾਲੀਆਂ ਚੜ ਆਈਆਂ ਨੇ
ਤੇਰੇ ਕੀ ਸੀ ਵੱਸ ਹਰਵਿੰਦਰਾ
ਜਦ ਤਾਰਾਂ ਧੁਰ ਤੋਂ ਆਈਆਂ ਨੇ ..............ਹਰਵਿੰਦਰ ਧਾਲੀਵਾਲ
ਤੇਰੀਆਂ ਬੇ ਪਰਵਾਹੀਆਂ ਨੇ

ਸਾਡੀ ਝੋਲੀ ਦੇ ਵਿੱਚ ਪਈਆਂ
ਲੰਮੀਆਂ ਬਹੁਤ ਜੁਦਾਈਆਂ ਨੇ
ਤੇਰੇ ਨਾਂ ਦਾ ਪੱਥਰ ਗੱਡਿਆ
ਮਿਲ ਜੁਲ ਕੇ ਸਭ ਰਾਹੀਆਂ ਨੇ
ਰੌਨਕ ਲੈ ਗਿਓਂ ਨਾਲ ਆਪਣੇ
ਜਿੰਦ ਘੇਰ ਲਈ ਤਨਹਾਈਆਂ ਨੇ
ਡੌਰ ਭੌਰ ਜੀਆਂ ਝਾਕੀ ਜਾਵਣ
ਸਧਰਾਂ ਹੁਣ ਬੁਖ੍ਲਾਈਆਂ ਨੇ
ਨੈਣੀਂ ਪਾ ਯਾਦਾਂ ਦਾ ਕਜਲਾ
ਘਟਾ ਕਾਲੀਆਂ ਚੜ ਆਈਆਂ ਨੇ
ਤੇਰੇ ਕੀ ਸੀ ਵੱਸ ਹਰਵਿੰਦਰਾ
ਜਦ ਤਾਰਾਂ ਧੁਰ ਤੋਂ ਆਈਆਂ ਨੇ ..............ਹਰਵਿੰਦਰ ਧਾਲੀਵਾਲ
Wednesday, 9 November 2011
ਗ਼ਜ਼ਲ
ਸਦੀਆਂ ਦੇ ਸੂਰਜ਼ ਯਾਰੋ ,ਅਸੀਂ ਪਿੰਡੇ ਉੱਤੇ ਸੇਕੇ ਨੇ
ਮੈ ਸ਼ੂਕਦੇ ਦਰਿਆਵਾਂ ਦੇ ਵੀ ,ਰੁੱਖ ਬਦਲਦੇ ਵੇਖੇ ਨੇ
ਘੱਟੋ ਘੱਟ ਤੂੰ ਦਾਤੀ ਵਾਲੇ ,ਦੰਦੇ ਤਾਂ ਕਢਵਾ ਨਵੇਂ ,
ਚੋਰੀ ਛੁੱਪੇ ਦੁਸ਼ਮਣ ਨੇ ਤਾਂ ,ਚਾਕੂ ਛੁਰੀਆਂ ਰੇਤੇ ਨੇ
ਬਾਜਾਂ ਦੀ ਵੀ ਬੂਥ ਲੁਆਤੀ,ਚਹੁੰ ਚਿੜੀਆਂ ਦੇ ਏਕੇ ਨੇ
ਰੁਮ੍ਕਦੀਆਂ ਪੌਣਾਂ ਨੇ ਜਦ ,ਰੂਪ ਧਾਰਿਆ ਝੱਖੜ ਦਾ
ਸੰਗ ਉੱਡ ਕੇ ਸਾਥ ਹੈ ਦਿੱਤਾ ,ਮਾਰੂਥਲ ਦੇ ਰੇਤੇ ਨੇ
ਠੰਡੀਆਂ ਸ਼ੀਤ ਹਵਾਵਾਂ ਨੇ ,ਅੰਦਰ ਗਰਮ ਚੁਆਤੀ ਵੀ
ਗਰਮ ਸੁਆਸਾਂ ਅੱਗੇ ਠੰਡ ਨੇ ,ਗੋਡੇ ਆਖਰ ਟੇਕੇ ਨੇ
ਕਿਓਂ ਹਰਵਿੰਦਰ ਭੁੱਲ ਗਿਆ ਤੂੰ, ਦਸਤਕ ਦੇਣੀ ਬੂਹੇ ਤੇ
ਸੌ ਸਾਲ ਸਾਨੂੰ ਪਿਛੇ ਸੁੱਟ ਤਾ ,ਓਏ ਤੇਰੇ ਮਾੜੇ ਚੇਤੇ ਨੇ ......................ਹਰਵਿੰਦਰ ਧਾਲੀਵਾਲ
Tuesday, 8 November 2011
ਗ਼ਜ਼ਲ
ਹੈ ਨਹੀਂ ਕੋਈ ਹਿਸਾਬ ਹਾਕਮ ਦੇ ,ਝੂਠਾਂ ਅਤੇ ਫਰੇਬਾਂ ਦਾ
ਵਿੱਚ ਬਜ਼ਾਰੀਂ ਜੇਰਾ ਕਰ ਕੇ ,ਆਇਆ ਕੰਮ ਤੋਂ ਮੁੜਦਾ
ਅੱਗੇ ਲੰਘ ਗਿਆ ਮੁੱਲ ਪੁੱਛ ਕੇ ,ਬਿੱਲੂ ਮਜਬੀ ਸੇਬਾਂ ਦਾ
ਬਘਿਆੜਾਂ ਨੇ ਖਿੱਚੀ ਰਲ ਕੇ ,ਹੈ ਲਛਮਣ ਰੇਖਾ ਵਾੜੇ ਤੇ
ਚਿਟਿਓਂ ਕਾਲਾ ਰੰਗ ਹੋ ਗਿਆ,ਖੜੀਆਂ ਖੜੀਆਂ ਭੇਡਾਂ ਦਾ
ਕੁਝ ਨੋਟਾਂ ਦੇ ਬਦਲੇ ਰੁਲ੍ਣੀ ,ਫੇਰ ਇਜ਼ਤ ਹੈ ਕਿਰਤੀ ਦੀ
ਹੁਣ ਫੇਰ ਹੋਣਗੇ ਰਾਜੀਨਾਮੇ ,ਤੇ ਮੁਢ ਬਝਣਾ ਝੇਡਾਂ ਦਾ
ਮਹਿਫਲ ਚੋਂ ਉਸਦੀ ਯਾਰੋ ,ਪੱਲੇ ਤਾਂ ਕੁਝ ਪਿਆ ਨਹੀਂ
ਯਾਦ ਹੈ ਬਸ ਸ਼ੋਰ ਸ਼ਰਾਬਾ ,ਤੇ ਥੱਪ-ਥ੍ਪਾਉਣਾ ਮੇਜਾਂ ਦਾ
ਨੇਤਾ ਦੀ ਗਲਵਕੜੀ ਨੂੰ ,ਦੱਸ ਰਿਹਾ ਉਹ ਹੁੱਬ,, ਹੁੱਬ ਕੇ
ਕੀ ਭੇਤ ਹਰਵਿੰਦਰ ਤਾਈਂ , ਵੋਟ ਰੁੱਤ ਦੀਆਂ ਖੇਡਾਂ ਦਾ .........................ਹਰਵਿੰਦਰ ਧਾਲੀਵਾਲ
Thursday, 3 November 2011
ਗ਼ਜ਼ਲ
ਆਓ ਸਾਰੇ ਸੁਪਨਾ ਹੋ ਗਏ , ਸੁੱਖਾਂ ਦੀ ਗੱਲ ਕਰੀਏ
ਡੈਣ ਵਾਂਗਰਾਂ ਝਪਟਣ ਵਾਲੇ, ਦੁੱਖਾਂ ਦੀ ਗੱਲ ਕਰੀਏ
ਪਾਉਣ ਵਲੇਟੇ ਇੱਕ ਦੂਜੀ ਨੂੰ,ਆਂਦਰਾਂ ਉਸਦੀਆਂ ਖਾਲੀ
ਕੁਰਬਲ ਕੁਰਬਲ ਕਰ ਰਹੀਆਂ, ਭੁੱਖਾਂ ਦੀ ਗੱਲ ਕਰੀਏ
ਜਨਤਾ ਤਾਂ ਹੈ ਗਊ ਵਿਚਾਰੀ ,ਜਨਤਾ ਨੇ ਕੀ ਕਹਿਣਾ
ਲੀਡਰ,ਕਲਮਾਂ ਰਲ ਬੈਠ ਕੇ, ਲੁੱਟਾਂ ਦੀ ਗੱਲ ਕਰੀਏ
ਹਰੇ ਭਰੇ ਸੀ ਕਿਸੇ ਸਮੇ ਜੋ , ਗੂੜੀਆਂ ਛਾਵਾਂ ਦਿੰਦੇ
ਮਹਿਲਾਂ ਦੇ ਦਰਵਾਜੇ ਬਣ ਗਏ, ਰੁੱਖਾਂ ਦੀ ਗੱਲ ਕਰੀਏ
ਵਰਿਆਂ ਦੀ ਗਿਣਤੀ ਵਿਚੋਂ ,ਨਹੀਂ ਲਭਣੇ 'ਅਧ' ਗੁਆਚੇ
ਅੱਜ ਬੈਠੋ ਮੇਰੇ ਕੋਲ ਸਾਰੀਆਂ, ਰੁੱਤਾਂ ਦੀ ਗੱਲ ਕਰੀਏ
ਦੁਧ ਮਲਾਈਆਂ ਵਰਗੇ ਚੇਹਰੇ, ਵੇਖੇ ਬੜੇ ਹਰਵਿੰਦਰ
ਆ, ਝੁਰ੍ੜੇ, ਘੋਰ ਉਦਾਸੇ ਹੋਏ , ਮੁੱਖਾਂ ਦੀ ਗੱਲ ਕਰੀਏ .....................ਹਰਵਿੰਦਰ ਧਾਲੀਵਾਲ
Saturday, 29 October 2011
Punjabi Haiga--Harvinder Dhaliwal
ਬੰਦ ਪਲਕਾਂ
ਨੋਕ ਤੇ ਉਲਝਿਆ
ਇੱਕ ਅੱਥਰੂ
=========================================================================
ਵਿਚ ਵਿਚਾਲੇ
ਭੂਰੀ ਪਗਡੰਡੀ
========================================================================
ਚੌਂਕੇ ਬੈਠੀ
ਰਗੜੇ ਚਟਣੀ
ਸਿਰ ਸੂਹਾ ਸ਼ਾਲੂ
=========================================================================
ਅੱਸੂ ਦੀ ਸਵੇਰ -ਮਲਕੜੇ ਜਿਹੇ ਆ ਬੈਠੀ
ਫੁੱਲ ਉੱਤੇ ਤਿਤਲੀ
=========================================================================
ਪਾਣੀ ਲੈਣ ਚੱਲੀ
ਢਾਕ ਤੇ ਘੜਾ
ਰੰਗਲਾ ਈਨੂੰ

=======================================================
ਨਿੱਕੀ ਜੇਹੀ ਕੁੜੀ
ਹਾਕ ਨਾ ਸੁਣੇ
ਖੇਡੇ ਡੀ ਟੀ ਪੈਰ
PUNJABI HAIKU
1
ਨਿੱਕੀ ਜਿਹੀ ਕੁੜੀ
ਨਿੱਕੀ ਜਿਹੀ ਕੁੜੀ
ਹਾਕ ਨਾ ਸੁਣੇ
ਖੇਡੇ ਡੀਟੀ ਪੈਰ
================ਮਖਣੀ===================
2
ਰੋਟੀ ਉੱਤੇ ਸਾਗ
ਬੁਰਕੀ ਨਾਲ ਰੋਕੇ
ਪਿਘਲ ਰਹੀ ਮਖਣੀ
===============ਬੇਗਾਨੀ ਖੁਸ਼ੀ================
3ਗੁਬਾਰੇ ਵਾਲਾ
ਗੁਬਾਰੇ ਸੁੰਨੇ ਛੱਡ
ਮੈਰਜ਼ ਪੈਲਸ ਵਿੱਚ ਨੱਚੇ
=================ਵਿਛੋੜਾ ================
4 ਇੱਕ ਹੱਥ ਪਾਸਪੋਰਟ
ਦੂਜੇ ਹੱਥ ਮਹਿੰਦੀ ਵਾਲਾ ਹੱਥ
ਚਿਹਰੇ ਧੁੰਦਲਾਏ
=================ਮੁੜਕਾ =================
5
ਬੰਬਰ ਦੀ ਚੁੰਨੀ ਨਾਲ
ਬੰਬਰ ਦੀ ਚੁੰਨੀ ਨਾਲ
ਮੁੜਕਾ ਪੂੰਝੇ
ਚਿਹਰਾ ਹੋਰ ਵੀ ਲਾਲ
==================ਭਾਦੋਂ =================
6
ਟਿੱਕੀ ਚਮਕੇ
ਟਿੱਕੀ ਚਮਕੇ
ਪਿੰਡਾ ਚਿਪ ਚਿਪ
ਭਾਦੋਂ ਦਾ ਮਹੀਨਾ
=================ਹਾਜਰੀ ਰੋਟੀ ===============
7
ਚਿੜੀਆਂ ਦੀ ਚੀਂ ਚੀਂ
ਥ੍ਪ੍ਲੇ ਤੇ ਥੱਪ ਥੱਪ
ਹਾਜਰੀ ਰੋਟੀ
==================ਕੁੱਕੜ ================
8
ਫੁੱਫੜ ਦੀ ਆਮਦ
ਕੁੱਕੜ ਦੀ ਬਾੰਗ ਨਾ ਸੁਣੀ
ਰੂੜੀ ਤੇ ਖੰਭ
=================ਘਾਣੀ==================
9
ਗੁੜ ਦੀ ਰੋੜੀ
ਗੁੜ ਦੀ ਰੋੜੀ
ਕਾਡਨੀ ਦਾ ਦੁਧ
ਘਾਣੀ ਨੂੰ ਲੱਤ
=================ਕਾਮਾ =================
10
ਮੁੜਕੋ ਮੁੜਕੀ
ਮੁੜਕੋ ਮੁੜਕੀ
ਦਾਖ ਮੁਨੱਕੀ ਲਾਲੀ
ਕਾਮੇ ਦੇ ਮੂੰਹ ਤੇ
================ਕਰੀਰ ਦੇ ਫੁੱਲ =============
11
ਸੰਧੂਰੀ ਅਸਮਾਨ
ਉਸਦੀ ਹਥੇਲੀ ਤੇ
ਕਰੀਰ ਦੇ ਫੁੱਲ
===============ਘੁਰਾੜਾ===================
12
ਟਿਕੀ ਰਾਤ
ਚੁੱਪ ਚੀਰ ਰਿਹਾ
ਬਾਪੂ ਦਾ ਘੁਰਾੜਾ
====================ਫਸਲ ===============
13
ਪੱਕੀ ਫਸਲ
ਕਾਲੀ ਘਟਾ
ਬਾਪੂ ਦੇ ਜੁੜੇ ਹੱਥ
===============ਜੁਗਨੂੰ ===================
14
ਨਹਿਰ ਕਿਨਾਰਾ
ਸਰਕੰਡਿਆਂ ਤੇ
ਟਿਮਟਿਮਾਓਂਦੇ ਜੁਗਨੂੰ
=================ਪੇਂਡੂ ਕੁੜੀ ================
15
ਪੇਂਡੂ ਕੁੜੀ
ਨੀਵੀਂ ਪਾ ਕੇ ਲੁਕੋਵੇ
ਠੋਡੀ ਵਾਲਾ ਤਿਲ
==================ਘਾਠ=================
16
ਘਾਠ
ਵਿਚ ਕੋਈ ਕੋਈ ਦਾਣਾ
ਛੋਲਿਆਂ ਦਾ
====================ਬੁਖਾਰ ==============
17
ਜੇਠ ਮਹੀਨਾ
ਧੁੱਪੇ ਪਵੇ
ਕਾਂਬੇ ਦਾ ਬੁਖਾਰ
==================ਇਸਤਿਹਾਰ ============
18
ਮੁੱਖ ਪੇਜ ਤੇ ਖਬਰ
ਰੈਲੀ 'ਚ ਰਿਕਾਰਡ ਤੋੜ ਇੱਕਠ
ਥੱਲੇ ਛੋਟਾ ਜਿਹਾ 'advt.'
=================ਹੰਝੂ ===================
19
ਹੰਝੂ
ਖਤ ਉੱਪਰ
ਅੱਖਰ ਰਲਗੱਡ
==================ਮਾਹੀ================
20
ਛਮ ਛਮ ਕਰਦੀ
ਤੁਰੀ ਆਵੇ
ਮੂਹਰੇ ਮਾਹੀ
===================ਈਦ ਦਾ ਚੰਨ ============
21
ਆ ਟਿਕਿਆ
ਮ੍ਸ਼ੀਤ ਦੇ ਗੁੰਬਦ ਤੇ
ਈਦ ਦਾ ਚੰਨ
================ਅੰਗੂਠੀ =================
22
ਸਖਤ ਹੱਥਾਂ ਵਿਚ
ਨਾਜ਼ੁਕ ਹੱਥ
ਅੰਗੂਠੀ ਚਮਕ ਰਹੀ
=================ਪੱਗ ==================
23
ਕਾਹਲੀ
ਪੱਗ ਦਾ ਆਖਰੀ ਲੜ
ਛੋਟਾ ਰਹਿ ਗਿਆ
==================ਕਰੇਲੇ ================
24
ਜੰਗਲੀ ਕਰੇਲੇ
ਤਵੇ ਤੇ ਭੁੰਨੇ
ਕਰਾਰੀ ਖੁਸ਼ਬੂ
=================ਲਿਓੜ===============
25
ਝੜੀ
ਗਲੀ 'ਚ ਡਿੱਗਾ
ਕੱਚੀ ਕੰਧ ਦਾ ਲਿਓੜ
==================ਮਾਹੀ=================
26
ਅੱਖ ਨਾ ਝਪਕੇ
ਅੱਖਾਂ ਵਿੱਚ
ਮਾਹੀ ਦੀ ਫੋਟੋ
=================ਰਤਨਜੋਤ ==============
27
ਛੜਿਆਂ ਦੇ
ਵੇਹੜੇ ਉੱਗਿਆ
ਰਤਨਜੋਤ ਦਾ ਬੂਟਾ
=================ਅੰਗੂਠੀ ================
28
ਛੋਹ ਕੇ ਵੇਖ ਰਹੀ
ਪੁਰਾਣੀ ਅੰਗੂਠੀ ਤੇ
ਉਸਦਾ ਨਾਂ
================ਗੁਲਦਾਓਦੀ===============
29
ਕੱਕਰ
ਪੀਲਿਓਂ ਜਾਮਨੀ ਹੋਏ
ਗੁਲਦਾਓਦੀ ਦੇ ਫੁੱਲ
=================ਹਾਸਾ ===============
30
ਖਿੜ ਖਿੜਾ ਕੇ ਹੱਸ ਰਹੀ
ਮੰਦਿਰ ਵਿਚ
ਖੜਕਣ ਘੰਟੀਆਂ
================ਪ੍ਰਦੇਸੀ ਮਾਹੀ =============
31
ਮਾਹੀ ਪ੍ਰਦੇਸ਼
ਭੁੱਲੀ ਤਵੇ ਤੋਂ
ਰੋਟੀ ਥ੍ਲਨੀ
==================ਸਾਗਰ===============
32
ਸਾਗਰ ਦੀ ਸਤਹ
ਚੰਨ ਦਾ ਟੁਕੜਾ
ਸਾਡੇ ਨਾਲ ਨਾਲ
================ਸੁੱਚੇ ਮੋਤੀ ===============
33
ਮੰਦ ਮੰਦ ਮੁਸ੍ਕਰਾਵੇ
ਗਲ ਵਿੱਚ
ਸੁੱਚੇ ਮੋਤੀਆਂ ਦੀ ਮਾਲਾ
=================ਸੂਰਜ==================
34
ਅੱਖਾਂ ਬੰਦ
ਅਜੇ ਵੀ ਮਸਤਕ ਵਿਚ ਦਗ ਰਿਹਾ
ਇੱਕ ਪਲ ਪਹਿਲਾਂ ਵੇਖਿਆ ਸੂਰਜ
=================ਕਿਸਮਤ ਪੁੜੀ ============
35
ਬੱਚੇ ਦਾ ਹਾਸਾ
ਕਿਸਮਤ ਪੁੜੀ ਚੋਂ ਨਿੱਕਲੇ
ਇੱਕ ਕੰਘੀ ਇੱਕ ਸੀਟੀ
==================ਲਿਪਸਟਿਕ===========
36
ਮੁੜਕੇ ਨਾਲ
ਬਰਾਛਾਂ ਤੱਕ ਖਿੰਡੀ
ਲਿਪਸਟਿਕ
================ਸਾਇਕਲ ===============
37
ਸਾਇਕਲ ਤੋਂ ਡਿੱਗਿਆ
ਕੱਪੜੇ ਝਾੜੇ
ਵੇਖ ਕੇ ਆਸਾ ਪਾਸਾ
==================ਚੁੰਨੀ ===============
38
ਮਿਲਾ ਮਿਲਾ ਵੇਖ ਰਹੀ
ਚੁੰਨੀ ਦਾ ਰੰਗ
ਮਾਹੀ ਦੀ ਪੱਗ ਨਾਲ
================= ਹੱਡਾਂ ਰੋੜੀ ==============
39
ਹੱਡਾਂ ਰੋੜੀ
ਕੁੱਤਾ ਗਿਰਝ ਵੱਲ ਵੇਖੇ
ਗਿਰਝ ਕੁੱਤੇ ਵੱਲ
=================ਲੀਡਰ ==============
40
ਇੱਕ ਪਿੰਡ ਦੇ ਤਿੰਨ ਲੀਡਰ
ਸੜਕ ਵਿੱਚ
ਤਿੰਨ ਵੱਡੇ ਖੱਡੇ
=================ਗਿਣਤੀ ਮਿਣਤੀ ============
41
ਖ਼ਤਾਨਾ ਵਿਚ ਜਾ ਵੜਿਆ
ਗਿਣਦਾ ਗਿਣਦਾ
ਉਂਗਲਾਂ ਦੇ ਟੱਕ
===============ਦੀਵਾ==================
42
ਤੇਲ ਮੁਕਿਆ
ਦੀਵੇ ਦੀ ਲੋਅ
ਹੋਰ ਉੱਚੀ
================ਬਗਲੇ ===============
43
ਛੱਪੜ
ਮਝ ਉੱਤੇ ਬੈਠੇ
ਦੋ ਬਗਲੇ
=================ਸ੍ਫੈਦਾ ==============
44
ਜੀ ਟੀ ਰੋਡ
ਸਫੈਦੇ ਤੇ ਖੁਣਿਆ
ਉਸਦਾ ਨਾਮ
=================ਚਿਬੜ=============
45
ਕੁੱਪ ਦੇ ਜੜੀਂ
ਵੇਲ ਨਾਲੋਂ ਆਪੇ ਟੁੱਟੇ
ਦੋ ਪੀਲੇ ਚਿਬੜ
=================ਕਿਣਮਿਣ=============
46
ਕਿਣਮਿਣ
ਬੋਹੜ ਦੇ ਪੱਤੇ
ਡੱਬ ਖਾੱਡ੍ਬੇ
================ਧਰੇਕ ==============
47
ਧਰੇਕ
ਰੇਸ਼ਮੀ ਤੰਦ ਨਾਲ ਲਟਕਿਆ
ਇੱਕ ਪੀਲਾ ਪੱਤਾ
===============ਕਾਸ਼ਨੀ ਦਾ ਬੂਟਾ=============
48
ਨੀਝ ਲਾ ਵੇਖ ਰਿਹਾ
ਕਾਸ਼ਨੀ ਦਾ ਬੂਟਾ
ਹੱਥ ਵਿੱਚ ਦਾਤੀ
=================ਡੋਲੂ =================
49
ਗਾਵੇ ਸਹਿਬਾਂ
ਡੋਲੂ ਦੀ ਤਾਲ ਤੇ
ਗਰੀਬੂ ਦਾ ਮੁੰਡਾ
================ਕਾਗਜ਼==============
50
ਕਾਲੇ ਅੱਖਰ
ਵਿੱਚ ਵਿਚਾਲੇ
ਚਿੱਟਾ ਕਾਗਜ਼
================ਮੀਲ ਪੱਥਰ ==============
51
ਮੁਸਾਫਰ ਜਾ ਰਹੇ
ਮੀਲ ਪੱਥਰ
ਉੱਥੇ ਹੀ
=================ਭੰਬੂ =================
52
ਰੋ ਕੇ ਹਟੀ
ਅੱਕਾਂ ਦੇ ਭੰਬੂ
ਫੜ ਰਹੀ
=================ਕੱਬਡੀ ==============
53
ਕੱਬਡੀ ਦੀਆਂ ਝੱਪਟਾਂ
ਇੱਕ ਪਾਸੇ ਨੂੰ
ਉੱਲਰ ਰਿਹਾ ਬਾਬਾ
=================ਆਚਾਰ==============
54
ਆਚਾਰ ਦੀ ਫਾੜੀ
ਦੰਦੀ ਵਢਣ ਲੱਗਿਆਂ
ਇੱਕ ਅੱਖ ਮਿਚੀ
================ਪੋਤਾ=================
55
ਪੋਤੇ ਨੂੰ ਵੇਖ
ਖੀਸੇ ਨੂੰ
ਟੋਹ ਰਿਹਾ ਬਾਬਾ
================ਲੌਂਗ =================
56
ਮੀਂਹ ਦਾ ਛ੍ਡਾਕਾ
ਕਿੱਕਰ ਦੇ ਫੁੱਲਾਂ ਤੋਂ
ਬਣ ਰਹੇ ਲੌਂਗ
================ਕਾਂ=================
57
ਉਡਣ ਲੱਗਿਆਂ
ਕਾਂ ਨੇ ਨੱਪੀ
ਡਰਨੇ ਦੀ ਬਾਂਹ
================ਤੰਦ ===============
58
ਪੁੰਨਿਆਂ ਦੀ ਰਾਤ
ਟੁੱਟਿਆ ਫੇਰ
ਚਰ੍ਖਿਓਂ ਤੰਦ
=================ਅੱਥਰੂ ===============
59
ਅੱਥਰੂ
ਕੋਇਆਂ ਵਿਚਦੀ ਹੋ
ਸਿਰਾਹਣੇ ਤੇ
================ਟਿੰਡਾਂ =================
60
ਅੱਥਰੂ
ਖੂਹ ਦੀਆਂ ਟਿੰਡਾਂ
ਗਿੜ ਰਹੀਆਂ
=================ਮਾਂ================
61
ਅੰਨੀ ਮਾਂ
ਟੋਹ ਕੇ ਵੇਖੇ
ਬੱਚੇ ਦੇ ਨਕਸ਼
==================ਕੰਧ===============
62
ਘਰ ਵਿਚਾਲੇ ਕੰਧ
ਵੇਖ ਰਿਹਾ
ਬਲੈਕ ਵਾਈਟ ਤਸਵੀਰ
=================ਚੁੱਪ=================
63
ਚੁੱਪ ਚੀਰ ਰਹੀ
ਦੀਵਾਰ ਘੜੀ ਦੀ
ਟਿੱਕ ਟਿੱਕ
=================ਮੁੰਦਰੀ ==============
64
ਮੋਕਲੀ ਮੁੰਦਰੀ
ਉਸਦੇ ਹੱਥ 'ਚ ਰਹਿ ਗਈ
ਹੱਥ ਛੁਡਾਉਣ ਲੱਗਿਆਂ
=================ਬੁਰਕੀ ==============
65
ਆਖਰੀ ਬੁਰਕੀ
ਛੜਾ ਤਾਇਆ
ਮੰਗੇ ਗੰਢਾ
=================ਨਾਮ================
66
ਮੱਥਾ ਟੇਕਣ ਤੋਂ ਪਹਿਲਾਂ
ਦਾਨੀ ਸੱਜਣਾ ਦੀ ਸੂਚੀ ਚੋਂ
ਲਭੇ ਆਪਣਾ ਨਾਂ
===============ਪੱਖਾ =================
67
ਪੱਖਾ ਚਾਲੂ
ਗਾਇਬ ਹੋ ਰਿਹਾ
ਬਾਪੂ ਜੀ ਦਾ ਨਾਮ
================ਘਰ ================
68
ਬਣਾਉਂਦੇ ਬਣਾਉਂਦੇ
ਮਿੱਟੀ ਦਾ ਘਰ
ਹੋਏ ਝਾਟਮਝੀਟੇ
=================ਛੋਹ ===============
69
ਉਸਦੀ ਛੋਹ
ਕੱਚੀ ਤਰੇਲੀ
ਅੱਖਾਂ ਮਿਚ ਰਹੀਆਂ
=================ਫੁੱਲ ==============
70
ਧਰਤੀ ਨੂੰ
ਛੂਹ ਰਹੇ
ਗੁਲਦਾਓਦੀ ਦੇ ਫੁੱਲ
================ਸੀਸਾ===============
71
ਸੀਸਾ ਵੇਖ ਰਿਹਾ
ਪੁੜਪੜੀ ਕੋਲੋਂ
ਚਿੱਟੇ ਵਾਲ
===============ਕਾਕਰੋਚ ================
72
ਸੁਆਣੀ ਨੂੰ ਵੇਖ
ਮੁਛਾਂ ਹਿਲਾ ਰਿਹਾ
ਕਾਕਰੋਚ
================ਤਿੱਤਲੀ ==============
73
ਇੱਕ ਪੀਲੀ ਤਿੱਤਲੀ
ਫੇਰ ਲੰਘੀ
ਬਾਰੀ ਮੂਹਰਿਓਂ
================ਉਡਾਰੀ ==============
74
ਤਿੱਤਲੀ
ਗੁਲਾਬ ਤੋਂ ਉੱਡੀ
ਅਮਲਤਾਸ਼ ਵੱਲ
==================ਟੂਟੀ==============
75
ਟਿਕੀ ਰਾਤ
ਇੱਕ ਲੈਅ ਵਿਚ
ਟੂਟੀ ਦੀ ਟਿੱਪ ਟਿੱਪ
=================ਤ੍ਰੇਲ===============
76
ਅੱਸੂ ਦੀ ਸਵੇਰ
ਤ੍ਰੇਲੇ ਘਾਹ ਤੇ
ਸੱਜਰੀਆਂ ਪੈੜਾਂ
================ਮਾਰੂਥਲ =============
77
ਮਾਰੂਥਲ
ਪੈੜਾਂ ਲਭਦੀ ਦੇ
ਸੜ ਰਹੇ ਪੈਰ
================ਤ੍ਰੇਲ ਤੁਪਕਾ ============
78
ਖਿੰਡ ਗਿਆ
ਛੂਹਣ ਸਾਰ
ਤ੍ਰੇਲ ਤੁਪਕਾ
================ਸਤਰੰਗੀ ਪੀਂਘ ===========
79
ਫ੍ਕ਼ੀਰ ਦੀ
ਕੁੱਲੀ ਉੱਤੇ
ਸਤਰੰਗੀ ਪੀਂਘ
===============ਤੜਾਗੀ================
80
ਤੜਾਗੀ
ਲਮਕਣ ਚਾਂਦੀ ਦੇ ਘੁੰਗਰੂ
ਦੋ ਲੋਗੜੀ ਦੇ ਫੁੱਲ
==============ਟਰੰਕ =============
81
ਬੱਚਿਆਂ ਦਾ ਝੁਰਮਟ
ਅੰਦਰੋਂ ਖਾਲੀ ਬਾਹਰੋਂ ਭਰਿਆ
ਛੜੇ ਦਾ ਟਰੰਕ
==============ਫੁੱਲ ਡੰਡੀ===============
82
ਧਰਤ ਗੁਲਾਬੀ
ਫੁੱਲ ਡੰਡੀ ਉੱਤੇ
ਬਸ ਦੋ ਪੱਤੀਆਂ
================ਪਾਨ ਦੀ ਬੇਗੀ============
83
ਲੰਮਾਂ ਚਟ੍ਕਾਰਾ
ਛੜਾ ਚੁੰਮ ਰਿਹਾ
ਪਾਨ ਦੀ ਬੇਗੀ
===============ਵੀਣੀ===============
84
ਮਾਹੀ ਹੱਥ
ਗੋਰੀ ਵੀਣੀ
ਉੱਤੇ ਕਿੰਨੇ ਰੰਗ
================ਦਾਹੜੀ ==============
85
ਗਰਨੇ ਕਢਦਿਆਂ
ਵੇਖ ਰਿਹਾ ਆਪਣੀ
ਚਿੱਟੀ ਹੋ ਰਹੀ ਦਾਹੜੀ
================ਮੁਲਾਕਾਤ =============
86
ਪਹਿਲੀ ਮੁਲਾਕਾਤ
ਕੰਗਣੀ ਵਾਲੇ ਗਿਲਾਸ ਚੋਂ
ਪਾਣੀ ਛਲਕ ਰਿਹਾ
===============ਮਾਹੀਆ ==============
87
ਖਿੜ ਖਿੜ ਹੱਸੇ
ਮਾਹੀਆ
ਚਰਖਾ ਕੱਤ ਰਿਹਾ
===============ਕਿਣਮਿਣ===============
88
ਕਿਣਮਿਣ
ਟੀਸੀ ਦੇ ਪੱਤਿਆਂ ਤੋਂ
ਹੇਠਲਿਆਂ ਤੇ
================ਤੋੜ ਵਿਛੋੜਾ ==============
89
ਤੋੜ ਵਿਛੋੜੇ ਪਿਛੋਂ
ਖਤਾਂ ਦੀ ਰਾਖ ਤੇ
ਪਿਆਰ ਪਰੁੰਨੇ ਅੱਖਰ ਅਜੇ ਵੀ
=================ਪੈੜਾਂ ==============
90
ਕੁੱਲੀ ਤੋਂ
ਕਿਆਰੀ ਤੱਕ
ਫ੍ਕ਼ਰ ਦੀਆਂ ਪੈੜਾਂ
=================ਕਰੀਰ ==============
91
ਸੰਧੂਰੀ ਅਸਮਾਨ
ਕਰੀਰ ਦੇ ਫੁੱਲ
ਉਸਦੀ ਹਥੇਲੀ ਤੇ
================ਅਲਾਰਮ ==============
92
ਉਸਦੇ ਸਿਰਾਹਣੇ
ਕੋਇਲ ਕੂਕ ਰਹੀ
ਅੰਮ੍ਰਿਤ ਵੇਲਾ
================ਠੰਡ ===============
93
ਪੋਹ ਦਾ ਮਹੀਨਾ
ਬੇਬੇ ਵੇਖ ਰਹੀ
ਦਰਵਾਜੇ ਦੀ ਝੀਥ ਵੱਲ
===============ਪਰਛਾਵਾਂ ==============
94
ਤਰਕਾਲਾਂ ਵੇਲਾ
ਪਰਛਾਵਾਂ ਲੰਮਾਂ ਹੋ
ਕੰਧ ਕੋਲੋਂ ਵਲ ਖਾ ਰਿਹਾ
=================ਕਬਰ =============
95
ਸਰਕਦਾ ਸਰਕਦਾ
ਕਬਰ ਤੱਕ ਪਹੁੰਚਿਆ
ਸੁੱਕੇ ਰੁੱਖ ਦਾ ਪਰਛਾਵਾਂ
================ਛੜਾ===============
96
ਛੜੇ ਦਾ ਪੈਰ ਅੜਕਿਆ
ਮੁਨਿਆਰੀ ਦੀ
ਦੁਕਾਨ ਮੂਹਰੇ
================ਚੰਨ ==============
97
ਚੰਨ ਵੇਖਣ ਚੜੀ
ਪੌੜੀਆਂ ਵਿੱਚ
ਚੰਨ ਮਾਹੀ
===============ਖੱਡਾ================
98
ਨੱਕੋ ਨੱਕ ਭਰਿਆ
ਸੜਕ ਵਿਚਲਾ ਖੱਡਾ
ਸੰਘਣੀ ਛਾਂ ਨਾਲ
=================ਵੰਗਾਂ =============
99
ਵੰਗਾਂ ਚੜਾ ਚੁਕਿਆ
ਨਰਮ ਕਲਾਈ
ਅਜੇ ਵੀ ਹੱਥ ਵਿੱਚ
================ਪੱਗ===============
100
ਹਵਾ ਦਾ ਬੁੱਲਾ
ਹਰੀ ਪੱਗ ਵੱਲ ਉੱਡਿਆ
ਇੱਕ ਪੀਲਾ ਪੱਤਾ
================ਸੀਸਾ ===============
101
ਸੀਸ਼ਾ
ਚੁੰਜੋ ਚੁੰਜੀ ਹੋ ਰਹੀਆਂ
ਦੋ ਚਿੜੀਆਂ
=================ਵਸੀਅਤ =============
102
ਆਥਣ ਵੇਲਾ
ਬਾਪੂ ਜੀ ਲਗਾ ਰਹੇ
ਵਸੀਅਤ ਤੇ ਅੰਗੂਠਾ
================ਫੁੱਲ ਝੜੀ ==============
103
ਫੁੱਲ ਝੜੀ
ਤੇਜ਼ ਚਾਨਣ ਵਿਚ ਚਮਕੇ
ਤਿੱਖੇ ਨਕ਼ਸ਼
================ਚੈਟ================
104
ਗਰੁੱਪ ਚੈਟ
ਰਲਗੱਡ ਹੋਏ
ਸਵਾਲਾਂ ਦੇ ਜਵਾਬ
=================ਘੜੀ ==============
105
ਰੁੱਕ ਗਈ
ਘੜੀ ਦੀ ਟਿੱਕ ਟਿੱਕ
ਵੈਦ ਸਿਰ ਫੇਰ ਰਿਹਾ
================ਚਿੱਠੀ ===============
106
ਚਿੱਠੀ ਪੜ ਰਹੀ
ਨਿਗਾਹ ਟਿਕੀ
'ਤੇਰਾ ਮੀਤ ' ਤੇ
================ਪਗ ਡੰਡੀ==============
107
ਫੁੱਲਾਂ ਦੀ ਬਹਾਰ
ਪਗ ਡੰਡੀ ਤੇ
ਸੁੱਕੀਆਂ ਪੱਤੀਆਂ
================ਬਾਬਾ==============
108
ਖੂੰਡੀ ਨਾਲ ਕਢ ਰਿਹਾ
ਮੰਜੀ ਥਲਿਓਂ
ਠਿਬੇ ਛਿੱਤਰ
================ਤਵੀਤੀ==============
109
ਵੇਖ ਉਸਨੂੰ
ਨੀਵੀਂ ਪਾ ਰੱਖਿਆ
ਤਵੀਤੀ ਉੱਤੇ ਹੱਥ
================ਪਰਨਾਲਾ =============
110
ਚੁੱਪ ਹੋਈ
ਪਰਨਾਲੇ ਦੀ ਟਿੱਪ ਟਿੱਪ
ਸਤਰੰਗੀ ਪੀਂਘ
==================ਪੱਤਝੜ==============
111
ਪੱਤਝੜ
ਪੀਲੇ ਪੱਤਿਆਂ ਨੇ ਢੱਕੀ
ਬਾਬੇ ਬ੍ਲੌਰੇ ਦੀ ਮਟੀ
================ਪਰਛਾਵਾਂ ================
112
ਢਲੀ ਦੁਪਿਹਰ
ਸੜਕ ਪਾਰ ਕਰ ਗਿਆ
ਸਫੈਦੇ ਦਾ ਪਰਛਾਵਾਂ
=================ਦੀਵੇ=================
113
ਦੀਵੇ ਪਾਲੋ ਪਾਲ
ਲਟ ਲਟ ਬਲ ਰਹੀ
ਨਿੱਕੇ ਦੀ ਮਸ਼ਾਲ
================ਕ੍ਰੇਨ=================
114
ਕ੍ਰੇਨ ਨੇ ਚੁੱਕ ਲਿਆ
ਸੜਕ ਤੇ ਪਿਆ
ਰੁੱਖ ਦਾ ਪਰਛਾਵਾਂ
================ਮਨਸੁਈ ਫੁੱਲ ================
115
ਸੁਗੰਧੀ ਛਿੜਕ ਰਿਹਾ
ਗੁਲਦਸਤੇ ਵਿੱਚ
ਮਨਸੁਈ ਫੁੱਲ
================ਗਿਧਾ===============
116
ਵਿਆਹ
ਗਿਧਾ ਪਾਉਂਦੀ ਦੀਆਂ
ਟੁੱਟੀਆਂ ਦੋ ਵੰਗਾਂ
================ਪੋਚਾ ===============
117
ਪੋਚਾ ਸੁੱਕਣ ਤੋਂ ਪਹਿਲਾਂ
ਬੀਵੀ ਦੀ ਲਾਲਾ-ਲਾਲਾ
ਫਰਸ਼ ਤੇ ਪੈੜਾਂ
================ਆਲ੍ਹਣਾ ==============
118
ਪੱਤਝੜ ਤੋਂ ਬਾਅਦ -
ਨਿਪੱਤਰੇ ਰੁੱਖ ਤੇ
ਖਾਲੀ ਆਹਲਣਾ
===============ਬੰਗਲਾ ===============
119
ਬੰਗਲਾ -
ਨਿੱਕੀ ਤਰੇੜ ਵਿੱਚ
ਵੜ ਰਹੀ ਕੀੜੀ
================ਕੰਧ ================
120
ਘਰ ਵਿਚਕਾਰਲੀ
ਕੰਧ ਨਾਲ ਢੋਅ ਲਾਈ
ਬੈਠਾ ਬਾਪੂ
================ਡੋਲੀ==============
121
ਧੀ ਦੀ ਡੋਲੀ
ਅੱਖਾਂ ਗਿੱਲੀਆਂ
ਮੋਢਾ ਵੀ
================ਦੋ ਚੰਨ ==============
122
ਅੰਗੂਠੇ ਨਾਲ
ਆਨਾ ਦੱਬ ਬਣਾਵੇ
ਇੱਕ ਤੋਂ ਦੋ ਚੰਨ
=================ਰੁੱਖ =============
123
ਕੋਸੀ ਧੁੱਪ
ਲਿਸ਼ਕਿਆ ਸੱਕ ਵਿਹੂਣੇ
ਸੁੱਕੇ ਰੁੱਖ ਦਾ ਤਣਾ
=================ਡੋਲੀ=============
124
ਡੋਲੀ -
ਦੂਰ ਖੜੇ ਗਭਰੂ ਦੇ
ਸਫੇ ਦਾ ਲੜ ਗਿੱਲਾ
================ਵੰਗਾਂ ==============
125
ਗਿੱਲੇ ਵਾਲ
ਛੰਡਦੀ ਦੀਆਂ
ਛਨ੍ਕੀਆਂ ਵੰਗਾਂ
===============ਵਾਲਾਂ ਦੀ ਲਟ===========
126
ਵਾਲਾਂ ਦੀ ਲਟ
ਫੇਰ ਚੰਨ ਕੋਲੋਂ ਲੰਘੀ
ਕਾਲੀ ਬੱਦਲੀ
================ਰੇਹੀ=============
127
ਰੇਹੀ ਲੱਗੀ ਕੰਧ
ਦਿੱਖ ਰਹੀਆਂ
ਚਾਨਣ ਦੀਆਂ ਲੀਕਾਂ
================ਅੰਗੜਾਈ =============
128
ਅੰਗੜਾਈ
ਕਿਰ ਗਈਆਂ
ਫੁੱਲ ਪੱਤੀਆਂ
===============ਚਿੱਠੀ ===============
129
ਚਿੱਠੀ ਪੜ ਰਿਹਾ
ਲਿਖ ਤੁਮ
ਬਾਬਾ ਖੇਮਾ
================ਚੰਨ =============
130
ਕਾਹੀ ਦਾ ਬੁੰਬਲ
ਦੋ ਹਿਸਿਆਂ 'ਚ ਵੰਡਿਆ
ਪੁੰਨਿਆ ਦਾ ਚੰਨ
================ਵੈਲਨਟਾਈਨ ਡੇ==========
131
ਵੈਲਨਟਾਈਨ ਡੇ
ਫੁੱਲਾਂ ਤੋਂ ਸੱਖਣਾ
ਗੁਲਾਬ ਦਾ ਬੂਟਾ
================ਮੁਖੜਾ ==============
132
ਪੱਠੇ ਕੁਤਰਦਾ ਰੁਕਿਆ
ਚੱਕਰ ਵਿਚੋਂ ਵੇਖ ਰਿਹਾ
ਰੁੱਗ ਲਾਉਂਦੀ ਦਾ ਮੁਖੜਾ
=================ਗੋਰੀ ਗਲ੍ਹ ============
133
ਪੀਂਘ ਦਾ ਹੁਲਾਰਾ
ਗੋਰੀ ਗਲ੍ਹ ਨੂੰ ਫੇਰ ਛੂਹਿਆ
ਪਿੱਪਲ ਦਾ ਪੱਤਾ
===============ਸੂਰਜ=============
134
ਕਬਰਾਂ ਵਾਲਾ ਰਾਹ
ਕਾਲੀ ਕਿੱਕਰ 'ਚ ਉਲਝਿਆ
ਸੰਧੂਰੀ ਸੂਰਜ
===============ਬਨਾਵਟੀ ਫੁੱਲ ============
135
ਸੁਗੰਧੀ ਛਿੜਕ ਰਿਹਾ
ਗੁਲਦਸਤੇ ਵਿੱਚ
ਬਨਾਵਟੀ ਫੁੱਲ
=================ਚੇਨ ===============
136
ਕੜਚ ਦੇਣੇ ਉੱਤਰੀ
ਸਾਇਕਲ ਦੀ ਚੇਨ
ਉਸਦਾ ਘਰ
===============ਠੰਡ==================
137
ਠੰਡੀ ਯੱਖ ਸਵੇਰ
ਹੱਥ ਤੇ ਹੱਥ ਘਸਾ
ਕਰੇ ਓਹੋ ਹੋ ਹੋ ਹੋ ..
=================ਸੁਨਿਹਰੀ ਭੂੰਡੀ ==========
138
ਆਥਣ ਵੇਲਾ
ਸਣ ਦੇ ਫੁੱਲਾਂ ਤੇ ਖੇਡ ਰਹੀ
ਸੁਨਿਹਰੀ ਭੂੰਡੀ
(ਡਾਕਟਰ ਅਮਿਤੋਜ਼ ਜੀ ਕਵਿਤਾ ਤੋਂ ਪ੍ਰੇਰਤ )
=================ਕਾਂਟਾ===============
139
ਤੇਜ਼ ਤੇਜ਼ ਲੰਘੀ
ਮੁੜਕੇ ਵੇਖਦੀ ਦਾ ਹਿੱਲਿਆ
ਝਬੂਲੀ ਵਾਲਾ ਕਾਂਟਾ
================ਨਵੀਂ ਮੁੰਦਰੀ =============
140
ਉਂਗਲ ਕਰ ਕਰ
ਗੱਲਾਂ ਕਰ ਰਹੀ
ਨਵੀਂ ਮੁੰਦਰੀ
=================ਬਿਆਈਆਂ =============
141
ਭਰ ਗਈਆਂ
ਗਰੀਬੂ ਦੇ ਹੱਥ ਦੀਆਂ ਬਿਆਈਆਂ
ਕੜਾਹ ਪ੍ਰਸ਼ਾਦ ਦੀ ਦੇਗ
===================ਅਲਾਰਮ=============
142
ਅਲਾਰਮ ਬੰਦ ਕਰ
ਉਸ ਫੇਰ ਦੱਬਿਆ
ਰਜਾਈ ਦਾ ਲੜ
================ਯਾਦ ================
143
ਉਸਦੀ ਯਾਦ
ਜੋੜ ਰਹੀ
ਤੰਦ ਨਾਲ ਤੰਦ
================ਭਾਫ=================
144
ਉਸ ਹੱਥ ਘੁੱਟਿਆ
ਕੌਫੀ ਮੱਗ ਚੋਂ
ਨਿੱਕਲ ਰਹੀ ਭਾਫ
================ਅਟੇਰਨ===============
145
ਅਟੇਰਨ -
ਇੱਕ ਲੈਅ ਵਿੱਚ ਹਿੱਲ ਰਹੇ
ਬੂਢ਼ੇ ਹੱਥ
=================ਸਾਰੀ ਛੁੱਟੀ============
146
ਸਾਰੀ ਛੁੱਟੀ
ਸਕੂਲ ਦੇ ਮੈਦਾਨ ਚੋਂ ਉੱਠਿਆ
ਗਰਦ ਓ ਗੁਬਾਰ
=================ਉਸਦਾ ਨਾਂ ============
147
ਯਾਰਾਂ ਦੀ ਮਹਿਫਲ
ਦੁੱਖ ਦੱਸਣ ਲੱਗਿਆਂ
ਆਇਆ ਉਸਦਾ ਨਾਂ
================ਖੇਸ ===============
148
ਘਾਣੀ 'ਚ ਵੜਨ ਤੋਂ ਪਹਿਲਾਂ
ਮਜਦੂਰ ਨੇ ਖੋਲੀ
ਖੇਸ ਦੀ ਨਿਘ੍ਗ੍ਹੀ ਬੁੱਕਲ
=================ਪਹਿਲੀ ਮੁਲਾਕਾਤ=======
149
ਸਾਉਣ ਦਾ ਮਹੀਨਾ
ਪਹਿਲੀ ਬਰਸਾਤ
ਮੁਲਾਕਾਤ ਵੀ..
================ਪਤੰਗੀਆਂ ==============
150
ਵਿਆਹ ਵਾਲਾ ਘਰ
ਚੁਰ ਦੇ ਧੂਏਂ ਨਾਲ ਹਿੱਲੀਆਂ
ਰੰਗਦਾਰ ਪਤੰਗੀਆਂ
==================ਧੌਲਾ ਵਾਲ ==============
151
ਮੈਰਿਜ਼ ਐਨਵਰਸਰੀ
ਰੋਟੀ ਚੋਂ ਨਿੱਕਲਿਆ
ਇੱਕ ਧੌਲਾ ਵਾਲ
==================ਰਾਹਤ ਫੰਡ ===============
152
ਰਾਹਤ ਫੰਡ
ਸੁੱਕਾ ਰਹਿ ਗਿਆ
ਕੰਨੀ ਦਾ ਕਿਆਰਾ
===================ਬੀਜ=================
153
ਚੁੱਕਿਆ ਗਿਆ
ਧਰਤੀ ਦਾ ਇੱਕ ਹਿੱਸਾ
ਪੁੰਗਰਦਾ ਬੀਜ
==================ਨੰਨਾ ਦਰਿਆ ============
154
ਮੀਂਹ ਤੋਂ ਬਾਅਦ
ਕਾਗਜ਼ ਦੀ ਕਿਸ਼ਤੀ
ਇੱਕ ਨੰਨਾ ਦਰਿਆ
================ਗੋਰੀ ਗੱਲ ===============
155
ਗੋਰੀ ਗੱਲ 'ਚ ਟੋਆ
ਦੇਰ ਬਾਅਦ ਝਮਕੀ
ਮੁੰਡੇ ਨੇ ਅੱਖ
=================ਗੁੜ ਵਾਲੇ ਚੌਲ ============
156
ਚਾਹਾਂ ਵੇਲਾ
ਗੁੜ ਵਾਲੇ ਚੌਲਾਂ ਦੀ ਖੁਸ਼ਬੂ
ਅੰਬੋ ਦਾ ਚੌਂਕਾ
==================ਤਿੱਤਲੀਆਂ ===========
157
ਪਹਾੜੀ ਅੱਕ ਦੇ ਫੁੱਲ
ਪਿੰਡੋਂ ਬਾਹਰਵਾਰ ਆਈਆਂ
ਦੋ ਤਿੱਤਲੀਆਂ
==================ਸੁੰਨਾ ਘਰ ==============
158
ਸੁੰਨਾ ਘਰ
ਜਿੰਦਰੇ ਚਾਬੀ ਵਿਚਾਲੇ ਆਈ
ਹੰਝੂਆਂ ਦੀ ਪਰਤ
==================ਮਸਤੀ ===============
159
ਸਿਰ ਮੜਾਸਾ
ਗਾਣੇ ਗਾਉਂਦਾ ਜਾਵੇ
ਗੱਡੇ ਦੀ ਲੀਹ
==================ਫਾਟਕ ===============
160
ਫਾਟਕ ਬੰਦ
ਲਾਈਨ ਪਾਰ ਕਰ ਰਿਹਾ
ਖੰਭੇ ਦਾ ਪਰਛਾਵਾਂ
==================ਚੰਨ ਦੀ ਫਾੜੀ ===========
161
ਅਸ਼ੋਕਾ ਟ੍ਰੀ
ਤਿੱਖੀ ਟੀਸੀ ਤੇ ਅਟਕੀ
ਚੰਨ ਦੀ ਫਾੜੀ
=================ਪੱਗਡੰਡੀਆਂ =============
162
ਮ੍ਛਰਾਂ ਦਾ ਝੁੰਡ
ਬਣ ਰਹੀਆਂ
ਹਵਾਈ ਪੱਗਡੰਡੀਆਂ
==================ਵੇਲ================
163
ਸਾਗਵਾਨ ਦਾ ਰੁੱਖ
ਜੜਾਂ 'ਚ ਮੌਲ ਰਹੀ
ਨਿੱਕੇ ਪੱਤੇ ਦੀ ਵੇਲ
==================ਬੁੱਕਲ ==============
164
ਸੂਹੇ ਸ਼ਾਲੂ ਦੀ ਬੁੱਕਲ
ਸਰੀਂਹ ਪੱਤਿਆਂ ਚੋਂ ਦਿਸ ਰਿਹਾ
ਨਵਾਂ ਨਕੋਰ ਚੰਨ
===================ਤਾਰਾ===============
165
ਪਹੁ ਫੁਟਾਲਾ
ਡੇਕ ਦੀ ਟੀਸੀ ਲੱਗਿਆ
ਨਿੱਕਾ ਤਾਰਾ
================ਨਦੀ ===============
166
ਅਧੀ ਰਾਤ
ਸ਼ਾਂਤ ਵਹਿ ਰਹੀ
ਤਾਰਿਆਂ ਭਰੀ ਨਦੀ
================ਬੀਵੀ================
167
ਬੀਵੀ ਪੇਕੇ
ਬ੍ਰਾਉਨ ਪੈਂਟ ਦੇ
ਦੋ ਦੋ ਕ੍ਰੀਜਾਂ
==================ਕਾਲੀ ਸੜਕ ============
168
ਚਾਂਦੀ ਰੰਗਾ ਪਹਾੜ
ਖਹਿ ਕੇ ਲੰਘ ਰਹੀ
ਕਾਲੀ ਸੜਕ
==================ਮੁਰਕੀ ================
169
ਸ਼ਿਖਰ ਦੁਪਿਹਰ
ਖਾਲ ਘੜਦੇ ਨੂੰ ਲਭੀ
ਬੰਤੋ ਦੀ ਮੁਰਕੀ
================ ਲਹਿੰਗਾ ================
170
ਉਨਾਭੀ ਲਹਿੰਗਾ
ਸੀਸਿਆਂ ਚੋਂ ਵੱਜੀ
ਸਤਰੰਗੀ ਲਿਸ਼ਕੋਰ
================ਘਾਟੀ==================
171
ਤੰਗ ਘਾਟੀ
ਨੇੜਿਓਂ ਹੋ ਕੇ ਲੰਘੇ
ਨਦੀ ਦੇ ਕਿਨਾਰੇ
================= ਆਲਾ===============
172
ਜਲ ਰਿਹਾ
ਸਰੋਂ ਦਾ ਤੇਲ
ਥਿੰਦੇ ਆਲੇ ਚੋਂ ਖੁਸ਼ਬੂ
================= ਲੋਕਟ================
173
ਕੜਾਕੇ ਦੀ ਠੰਡ
ਸ਼ਾਲ ਵਿੱਚ ਲੁਕਿਆ
ਚੇਨੀ ਦਾ ਲੋਕਟ
================= ਸੁਪਨਾ ===============
174
ਸਹੇਲੀ ਨੂੰ
ਸੁਪਨਾ ਦੱਸੇ
ਗੋਰੀ ਗੱਲ੍ਹ ਤੇ ਲਾਲੀ
=================ਆਤਿਸ਼ਬਾਜੀ ============
175
ਕਾਲੀ ਰਾਤ
ਆਖਰ ਨਿਗਲ ਲਈ
ਹਨੇਰੇ ਨੇ ਆਤਿਸ਼ਬਾਜੀ
==================ਸ਼ੂਕ================
176
ਅੰਮ੍ਰਿਤ ਵੇਲਾ
ਬਾਣੀ ਦੇ ਨਾਲ ਨਾਲ ਸੁਣੇ
ਬਹੁਕਰ ਦੀ ਸ਼ੂਕ
================== ਦੰਦਾਸਾ =============
177
ਦੰਦਾਸਾ -
ਕਿਰ੍ਮਚੀ ਫੁੱਲ ਪੱਤੀਆਂ ਤੇ
ਚਿੱਟੇ ਤ੍ਰੇਲ ਮੋਤੀ
================== ਚੱਕ===============
178
ਘੁਮਿਆਰ ਦਾ ਚੱਕ
ਹੱਥਾਂ ਚੋਂ ਪ੍ਰਗਟ ਹੋਇਆ
ਸੁਰਾਹੀ ਨਾਲ ਦਾ ਪਿਆਲਾ
================= ਚੀਚ ਵਹੁਟੀ ===========
179
ਵੈਲਨਟਾਈਨ ਡੇ
ਡੇਕ ਦੇ ਫੁੱਲਾਂ ਤੇ ਖੇਡੇ
ਚੀਚ ਵਹੁਟੀ ਦਾ ਜੋੜਾ
===================ਭੂੰਡੀ ==============
180
ਸਾਉਣ ਮਹੀਨਾ
ਕਾਲੇ ਭੂੰਡ ਮਗਰ ਤੁਰੇ
ਸੁਨਿਹਰੀ ਭੂੰਡੀ
==================ਕਨੇਰ ==============
181
ਫੱਕਰ ਦੀ ਕੁੱਟੀਆ
ਕੰਧ ਉੱਤੋਂ ਦੀ ਝੁੱਕਿਆ
ਕਨੇਰ ਦਾ ਬੂਟਾ
================ਇਟਸਿਟ==============
182
ਘਰੇਲੂ ਬਗੀਚੀ
ਪੁੱਟਕੇ ਪੁੱਠਾ ਕਰ ਸੁੱਟਿਆ
ਇਟਸਿਟ ਦਾ ਬੂਝਾ
================= ਛੁਕ ਛੁਕ =============
183
ਗੱਡੀ ਦੀ ਛੁਕ ਛੁਕ
ਕਾਲੇ ਤਿਲ ਉਤੋਂ ਦੀ ਲੰਘਿਆ
ਬੇਰੰਗ ਹੰਝੂ
=================ਆੜੀ =============
184
ਕੱਚੀ ਪਹੀ
ਉਂਗਲ 'ਚ ਉਂਗਲ ਪਾ ਤੁਰਿਆ
ਬਚਪਨ ਦਾ ਆੜੀ
=================ਡੇਕ ==============
185
ਨਿੱਪਤਰੀ ਡੇਕ
ਨੀਲੇ ਅਸਮਾਨ ਤੇ
ਕਾਲੀਆਂ ਲੀਕਾਂ
Subscribe to:
Posts (Atom)







