ਦੇਈਦੈ ਦਿਲਾਸਾ ,ਬੜਾ ਮਨ ਸਮਝਾਈਦੈ
ਸਮਝੇ ਨਾ ਝੱਲਾ ,ਰੋਜ਼ ਝੁਰ ਝੁਰ ਜਾਈਦੈ
ਬੁੱਲ ਘੁੱਟ ਲਈਏ, ਕਰੀਏ ਨਾ ਸੀ .....
ਨੀ ਵਿਚ ਪ੍ਰਦੇਸਾਂ ਦੇ ,
ਲਗਦਾ ਨਾ ਮਾਏ ਮੇਰਾ ਜੀਅ...........
ਆਂਦਰਾਂ ਨੂੰ ਬੰਨ ,ਢੇਰ ਡਾਲਰਾਂ ਦਾ ਲਾ ਲਿਆ -
ਖਸਮਾਂ ਨੂੰ ਖਾਣੀਆਂ, ਕਮਾਈਆਂ ਸਾਨੂੰ ਖਾ ਲਿਆ -ਅੰਨੀ ਧਰਤੀ ਤੇ ਗੁੰਗੇ ਬੋਲੇ ਜੀਅ............
ਨੀ ਵਿਚ ਪ੍ਰਦੇਸਾਂ ਦੇ ,ਲਗਦਾ ਨਾ ਮਾਏ ਮੇਰਾ ਜੀਅ..........
ਸ਼ਰਮ ਸੰਕੋਚ ਵਾਲੀ ਢੇਰੀ ਢਾਹੀ ਫਿਰਦੀ
ਸਭਿਅਤਾ ਇਥੇ ਗਲੋਂ ਤੇੜੋੰ ਲਹਿ ਫਿਰਦੀ
ਅਸੀਂ ਅੱਖ ਨਾ ਮਿਲਾਈਏ ਪਿਓ ਧੀ ........
ਨੀ ਵਿਚ ਪ੍ਰਦੇਸਾਂ ਦੇ ,ਲਗਦਾ ਨਾ ਮਾਏ ਮੇਰਾ ਜੀਅ..........
ਯਾਦ ਆਉਣ ਮਾਏ ਤੇਰੇ ਹੱਥਾਂ ਦੀਆਂ ਰੋਟੀਆਂ
ਸਰੀਰ ਸੀ ਕਮਾਏ ਇਥੇ ਚੁੰਘ ਚੁੰਘ ਝੋਟੀਆਂ
ਸਾੱਗ ਸਰੋਂ ਦੇ 'ਚ ਤਾਰੀ ਲਾਵੇ ਘੀ.........
ਨੀ ਵਿਚ ਪ੍ਰਦੇਸਾਂ ਦੇ ,ਲਗਦਾ ਨਾ ਮਾਏ ਮੇਰਾ ਜੀਅ..........
ਭੁੱਲਣ ਨਾ ਵੀਰਾਂ ਦੀਆਂ ਘੋਰ ਵਫਾਦਾਰੀਆਂ
ਯਾਰਾਂ ਦੀਆਂ ਮਹਿਫਲਾਂ 'ਚ ਗੱਲਾਂ ਟੂਣੇਹਾਰੀਆਂ
'ਹਰਵਿੰਦਰਾ' ਸਬਰ ਘੁੱਟ ਪੀ ...........
ਨੀ ਵਿਚ ਪ੍ਰਦੇਸਾਂ ਦੇ ,ਲਗਦਾ ਨਾ ਮਾਏ ਮੇਰਾ ਜੀਅ.................ਹਰਵਿੰਦਰ ਧਾਲੀਵਾਲ




